Sözler ve Alıntılar
Saltanat dedikleri ancak cihân kavgasıdır
Olmaya baht ü saadet dünyede vahdet gibi
Âlem-i ervâhta biz olmuş iken âşinâ
Şimdi n'oldu kim katında cümleden bigânedür
Tercüman
Ni'met-i derd ü belâ her yana dökülmiş yatur
Sohbet-i hâs it Muhibbî ehl-i aşka kıl salâ
Tercüman
Eylesen gâhi vefâ gâhi dönüp cevr ü cefâ
Dôstum senden gelen cümle berâberdür bana
Tercüman
Abîrüm anberüm varum, habîbüm mâh-ı tâbânum
Enîsüm mahremüm varum, güzeller içre sultânum
Hayâtum hâsılum ömrüm şarâb-ı kevserüm adnüm
Bahârum behcetüm rûzum gülüm ey verd-i handanum
Çenârum seyr ü seyrânum gülistan ile bustânum
Merâmum dürr-i şehvârum sabahum sohbetüm şâmum
Neşâtum işretüm bezmüm çerâgum, neyyirüm şem’üm
Turuncu u nâr u nârencüm benim şem’-i şebistânum
Hıred-mendüm hüdâ-vendüm nihânum zâhir ü pendüm
Kubâdum Husrevüm mîrüm cihân iklîmine cânum
Nebâtum şekkerüm gencüm bu âlem içre bî-rencüm
Azîzüm Yûsuf’um varım gönül Mısrındaki hânum
Sitânbulum Karamanum diyar-i mülket-i Rumum
Bedahşânum ü Kıpcagum ü Bagdadum, Horasanum
Saçı varum kaşı yayum gözi pür-fitne bîmarıçum
Ölürsem boynuna kanum, meded hey nâ-Müselmanum
Kapunda çünki meddâhum, seni medh iderem dâyim
Yürek pür-gam gözüm pür-nem, Muhibbi’yem hoş-elhânum
Sayfa 551