Vətən Sahibi - əsl qəhrəman1000Kitap
"Vətən Sahibi” kitabı həqiqətən yaşamış və şəhid olmuş Sahibin həyatından bəhs edir. Əsər onun ailəsinin, dostlarının və döyüş yoldaşlarının xatirələri əsasında yazılıb.
Kitabda Sahib dürüst, lider ruhlu, nizam-intizamlı və qərarlı bir insan kimi təqdim olunur. O, ailəsini çox sevən, dəyərlərinə bağlı və səxavətli biri idi. Sevdiyi xanımla evləndikdən sonra qurban kəsib paylaması bunu açıq şəkildə göstərir.
Sahib yalnız ailəsinin deyil, kəndinin və həyat yoldaşının da qəhrəmanı idi. Kitab oxucuda həm qürur, həm də kədər hissi yaradır və vətən uğrunda canını fəda edən insanların dəyərini göstərir.
Bu kitabı yazıb ərsəyə gətirdiyi üçün Nuray Rəşidə sonsuz təşəkkürümü bildirirəm.
Reklam
Ölənlə ölünmür- təhlilEdebiyat
“Ölənlə ölünmür” — yarımçıq qalan bir etirafın, vaxtsız bitən bir sevginin hekayəsidir. Sürəyya ilə Ayaz bir-birini tapdıqları anda itirirlər. Sevgi dillənən kimi ölüm yol kəsir. Ayaz Sürəyya’nın qollarında can verir və o an qızın gəncliyi də, gülüşü də susur.
Bu romanda yas təkcə məzar başında tutulmur. Sürəyya sözlərin, baxışların, “el nə deyər”in altında əzilir. Sevdiyini itirən bir qızın ağlamasına belə icazə verilmir. Qaçır… kənddən yox, ədalətsiz hökmlərdən qaçır.
On il boyunca qəlbində bir məzar daşı daşıyır. Xəyanət etmir, unutmağa məcbur etmir özünü. Çünki bəzi sevgilər bitmir, sadəcə səssizləşir.
Sonda Sürəyya anlayır: ölənlə ölünmür. Sevilən insan xatirəyə çevrilir, həyat isə davam etmək istəyir. Ayaz qəlbində bir arzu kimi qalır, Vüqar isə səbrin və səssiz sevginin adı olur.
Bu roman oxucuya bir cümlə pıçıldayır:
bəzən buraxmaq unutmaq deyil, yaşamağa icazə verməkdir. 
Ölənlə Ölünmür
Ölənlə Ölünmür
Oxuduğum ən gözəl və dərin kitablardan biri daha..1000Kitap
Səbinə Bayramovanın “Yaralı Ruhlar” əsəri mənə sadəcə bir hekayə deyil, ruhun sükutla danışdığı bir səyahət kimi təsir etdi. Hər bölüm — insanın iç dünyasındakı mərhələləri bir-birinə bağlayır. Müəllif sanki oxucunu öz yarasının dərinliyinə aparır, amma eyni zamanda sağalmaq üçün yol göstərir.
Sadə cümlələrlə böyük hisslər ifadə olunub. Oxuduqca sanki öz iç səsimi dinlədim.
Əsər mənə göstərdi ki, bəzən ən dərin ağrılar belə bizi daha güclü və anlayışlı edir. 
Yaralı Ruhlar
Yaralı Ruhlar