"...Pikerinq siyasətçiləri müvəqqəti adamlar hesab edirdi. Şahmat fiqurları kimi, onlar taxtanın ağ və qara xanaları üzrə sürətlə keçib gedirdilər. Əsl oyunçularsa, onun özü kimi adamlar qalırdılar. Bir sözlə, siyasət qəddar biznesdir"...
Klassik Den Braun əsəri. Onun əsərləri ola bilsin ki, sizin özünüinkişafınıza fövqəladə qatqıda bulunmasın. Amma yazarın sehrli qələmi olduğunu qeyd etməliyəm. 600 səhifədən ziyadə ölçüsü olan kitab ilk baxışda sıxıcı təsir bağışlasa da, heç də belə olmadığı tez bir zamanda bəlli olur. Birnəfəsə, həyəcanla oxunan triller düşünün. Əsərdəki hadisələr Yankilərin çox qədim bir məsəli ətrafında dövr edir desəm, yanılmaram: "Həqiqəti de və nə olur, qoy olsun!"
Əsərdə prezident növbəti seçkiqabağı kampaniyasında uğursuzluğa düçar olduğu üçün sadə camaatı aldatmaqla böyükmiqyaslı hiyləyə əl atır. Onun tərəfində duran obrazlar isə bütün çətinliklərə rəğmən həqiqəti bütün dünyaya çatdırmaq uğrunda mübarizə aparır və qələbə qazanırlar. Çoxşaxəli bir əsər olmasına baxmayaraq olduqca axıcı və maraqlıdır. Dedektiv tipli romanlar oxuyanlar üçün məsləhətli bir əsər hesab etmək olar.
2021