"İnsan təbii olaraq həyatın hər anını yaşamaq istəyir, ölümünə son on dəqiqə qalsa belə, bunu qənimət bilir. Hətta ömrünün ağır, dözülməz işgəncə ilə başa çatacağına əmin olsa belə".
"Keçmiş üst-üstə düşən xatirələrlə yazılı tarixdən ibarətdir. Onların isə hər ikisi Partiyanın əlindədir: Partiya insanların zəkasına da nəzarət edir, tarixi yazılara da".
"Kütlə heç vaxt öz-özünə ayağa qalxan deyil və sadəcə, əzildiyinə görə də qiyam qaldırmaz. Kütlənin öz həyat şəraiti ilə müqayisə etməyə bir standartı yoxdursa, əslində, əzildiyindən xəbəri də olmaz".
"Yeganə real plan intihar idi, onlarınsa belə bir fikri yox idi. Bu gündən sabaha, bu həftədən gələn həftəyə adlayır, gələcəyi olmayan indiki zamanı yaşayırdılar. Bu, hava varkən nəfəs almaq kimi qarşısıalınmaz instinkt idi".
"Uinstona görə, ümumiyyətlə, heç bir təmiz hiss ola bilməzdi, çünki hər şeyə qorxu və nifrət qarışmışdı. Onların qucaqlaşması bir döyüş, sevişməsi isə zəfər idi. Bu, Partiyaya zərbə idi, siyasi hərəkət idi".
Böyük Qardaş istinad yerlərini məhv etməkdə usta idi.
"Kənardan bir istinad yeri olmayanda adamın öz həyatının konturları da itir, heç nəyi xatırlaya bilmirsən. Yaddaşında, bəlkə də, heç olmamış hadisələr canlanır".
"Mahnı oxumaq, yürüşə, kütləvi səfərə çıxmaq, bayraq qaldırmaq, təlim silahları ilə məşq etmək, Böyük Qardaşa tapınmaq--bütün bunlar onlar üçün bir növ gözəl oyun idi".