Tun
@Tun_w7
Şubat 2025 tarihinde katıldı
Kişilər bir olmur, atam balası
Qorxağı var, igidi var
Amma hər kişinin öləndən sonra
Qəbri üstdə ağlayası
Bir qara paltarlı gözəl bir qadına ümidi var
Sən öləndə kim olacaq gözlərini bağlayan?
Qardaşmı olacaq, yadmı olacaq?
Bu dünyada, bəlkə, sənə ən çox ağlayan
Ən çox ağlatdığın qadın olacaq
Göz yaşları yuduqca başdaşını
Qəbrində qurcalanıb, deyəcəksən: "ilahi
İllər boyu ağlatdığım bu qadın
Görən, necə saxlayıbdır bu qədər göz yaşını?
Sən öləndə kim olacaq gözlərini bağlayan?
Qardaşmı olacaq, yadmı olacaq?
Bu dünyada, bəlkə, sənə ən çox ağlayan
Ən çox ağlatdığın qadın olacaq
Sonuncu ümid də qırılmış itmiş,
Özünə yer tapmır sinəmdə ürək,
İndi anlayıram mümkünsüz imiş
Sənə birdəfəlik "Əlvida" demək
Həsrət nə təcnisdi, nə də bayatı,
Yazardım, gözümdən axıb-gedərdin,
Bütün baş verənlər yuxu olsaydı,
Yozardım, ömrümdən çıxıb gedərdin.
Xəyallar ürəklə küsü saxlayır,
İçimdə şübhələr vaxtı dəyişir,
Bir yannan qəzəblər düyün bağlayır,
Bir yannan istəklər söz güləşdirir.
Özün yarı yolda bu eşqi qoydun,
Ağaran saçlara dostlar şahidim,
Sən mənə bir doğru sözü qıymadın,
Mən sənə ömrümü ərmağan etdim...
Vahid Əziz
Nə olar, gəl, məni özünlə apar,
Axı mən tənhayam uzaqda sənsiz.
Gəl, məni kədərin əlindən qopar,
Solur yarpaqlarım sazaqda sənsiz.
Mən bahar görmədim bu cavan yaşda,
Şaxtalı, boranlı qışa dönmüşəm.
Ən gözəl məhəbbət yaşanan çağda,
Həsrətdən ürəyi daşa dönmüşəm.
Ədalət budurmu fani cahanda,
Mən necə küsməyim açan səhərdən?
Hardasa sevgidən söz açılanda,
Küsürəm, gözlərim dolur qəhərdən...
Mən ki öz sevgimi gizləmədim ki,
Məgər görmürsənmi, bitirəm sənsiz?
Mən səni sevərkən istəmədim ki,
Ömrümü, günümü itirəm sənsiz!
Bir ümid bəslədim, dirəndim, dözdüm
Bəlkə bu günümü görərsən deyə.
Sənə məktubları şeirlə yazdım,
Bəlkə oxuyarsan, gələrsən deyə