Şantaj!
Gənc, təcrübəsiz bir qızın sevildiyini düşünüb, güvənərək özəl şəkillərini göndərməsilə başladı hər şey. Bir səhvi üzündən başına gəlməyən qalmadı. Bəlkə də, çox insan oxuduqca qızı qınayacaq amma mən qınamadım. Çünki sevgi görməmiş bir qızın tez bir zamanda birinə güvənməsi çox normal bir haldır. Ona sevgi göstərməyən "ata"dır hər şeydə günahkar olan. Bu kitab bizə çox aydın şəkildə bunu izah edir. Əgər doğrumuzla, yanlışımızla yanımızda olacaq biri yoxdursa biz hər zaman yalnızıq. Yalnız insan hər şeylə özü mübarizə aparmağa çalışır və o qədər çarəsiz hala düşür ki, yaşadıqlarından dəli olur. Sözün əsl mənasında dəli olur. Hər günahı evladında görən valideynlər,dönüb özünüzə sual verin mən nədə yanlış etdim deyə!