Adolf Hitler - 1000Kitap

Hitlerin son günlərini sığınacaqda keçirərkən ən etibarlı yoldaşı Martin Bormana yazdırdığı bu qeydlər toplusu, onun məğlubiyyətin artıq qaçılmaz olduğunu başa düşərək dediyi, etdiyi keçmiş səhvləri və alman millətinə müraciətindən ibarətdir. "Mein Kampf"da olduğu kimi "Bormann Vermerke"də də, Fürer öz manipulyasiya metodlarını işə salır. Antisemitist və antikomumunist kimliyini daima ön plana çəkərək, əsas məqsədinin daxili və xarici düşmənə qarşı mübarizədə german millətini" Üçüncü Reyx"in nəzarəti altına birləşdirmək olduğunu qeyd edir. Lakin bəzi qeydləri məğlubiyyəti həzm edə bilmədiyindən dolayı, sərsəmləməkdən başqa bir şey deyildi. Öz müttəfiqləri, İtaliya, Yaponiya və İspaniya barədə də bir xeyli danışan Fürer, Duçe haqqındakı etiraflarınıda edir. Tarix və zaman bəzi məqamlarda Füreri haqlı çıxardı, məsələn onun "Marksizm, boyunduruğu altındakı kölələrə dünya cənnətini nə bu gün, nə sabah, sadəcə qeyri-müəyyən bir gələcək zamanda vəd edirdi" eyni zamanda da "Bəlkə ruslar hadisələrin təzyiqi altında yəhudi marksizmindən qopub, yırtıcı və vəhşi panslavyanizmi təmsil edəcəklər" kimi nitqləri artıq tarixi təcrübədən keçmiş və boyük ölçüdə siyasi reallığa çevrilmişdir.

Adolf Hitler Nasional Sosialist Almaniya bu gün məğlub olsa belə, Almaniyanın yenidən doğulacağına inanırdı. Siyasi fəlsəfə və siyasi tarixi analiz edə bilənlərin oxuya biləcəyi bir kitabçadır. Digər şəxslərin xüsusi ilə gənclərin uzaq durmalı olduğu zəhərli və xəstəlikli yəhudi düşmənliyi ilə dolu qeydlərdir.