Hiç
@alfaaa
Doktor
Yüksek lisans
Özgürlükler ülkesi :)
9 okur puanı
Ocak 2018 tarihinde katıldı
Gülşen içre cilve-i nâz etse cânân kâmeti
Tufrâğ olgan sâyedek serv-i hırâman kâmeti
Nâzenîn kadding tiriklik gülşenining nahlidür
Serv u tubi sendek olmaknıng ne imkân kâmeti
Servdek uksuni ahzar birle Leylî kaddidür,
Tâkdek yüz hem bile Mecnûn-i üryân kâmeti
Gerçi kâmet çekseler, ilge bolur meyli namâz
Vah ki din kasdı kılur ul nâmüsülmân kâmeti
Vasl şâmı ravşan oldı pertev-i ruhsarudın
Yok aceb, desem erür şem-i şebistân kâmeti
Dehr elidek egridürler şuhler baştın ayâk
Tik nazarda tuz ekin ul ahd-i yalğân kâmeti
Ey Nevâî, hublar kaddide yoktur i'tidâl
Nege ohşar servdin undurrak insân kâmeti...
Müyesser olsa dil-i zârı şâdmân kılmak
Olur tahammül-i âzâr-ı bâgbân kılmak
Riyâ degül ki ‘aceb ‘âşıkâne düşmişdür
Sana girişme bana terk-i hânmân kılmak
Ne sîne kaldı ne dil yakmaduk şerâr-ı gamun
Hazer ki müşkil imiş âteşi nihân kılmak
Figân ki sîne-i pür-kînesinde her ne ki var
Murâdı hep felegün bana imtihân kılmak
Karâr-ı düşmen o âvâre bülbülem Âgâh
Ki istemem bagal-ı gülde âşiyân kılmak
Yavuz Sultan Selim HanEdebiyat
Gözlerin fitnede ebrûn ile enbâz mı ki
Dil asılmaga iver zülfüne cânbâz mı ki
Bizi kahr eyledigin lutfuna âgâz mı ki
Neyiki şîve mi ki cevr mi ki nâz mı ki
Dili sayd etmede âlem bilir üstâdlıgın
Key sakın âleme yayılmaya bîdâdlıgın
Bilmezem sırrı nedir bilmiş iken yâdlıgın
Neyiki şîve mi ki cevr mi ki nâz mı ki
Dil nedir nesne mi var aşk adına yakmadıgın
Aşk zencîrini gerden mi kodun takmadıgın
Beni gördükde yüzün döndürüben bakmadıgın
Neyiki şîve mi ki cevr mi ki nâz mı ki
Bu Selîmî kuluna cevri revân eyledigin
Bunca sıdkın reh-i aşkında yalan eyledigin
Yüzünü gösterüben yine nihân eyledigin
Neyiki şîve mi ki cevr mi ki nâz mı ki