Bu kitabı kiçik bacıma oxumaq üçün almışdım. Məndən fərqli olaraq onun heç marağı yoxdur kitablara təəssüf ki. Buna görə də kitabın yarısından sonra özüm tək oxumağa başladım.
Çippolinonun başına gələnləri oxuyanda çox xoşuma gəlmişdi. Kitab qalın olsa da əksər nağıllarda olduğu kimi hadisələr sürətlə baş verdiyini görə sıxıcı deyil.
Bəs kim idi Çippolino? Balaca bir soğan. Bəli, səhv oxumadınız. Çippolino, onun ailəsi hətta yaşadıqları yerdə hər kəs soğan idi. Və elə nağılda da bir soğan ailəsinin başına gələn əhvalatlardan bəhs edilir...Müəllif həm də nağıl vasitəsilə real həyatda çoxunun qarşılaşdığı haqsızlıqları, yüksək təbəqənin sadə adamlara yuxarıdan aşağı baxması və s. bu kimi məsələlərə də üstüörtülü toxunub. Lakin bu cür pis əməllər törədən insanlar sonda öz cəzalarını çəkirlər. Və bu xeyirin şər üzərindəki qələbəsinin daimi olmasına işarədir.
Düşünürəm ki, bəzən yorucu əsərlər arasında bu cür nağıllar insana çox yaxşı hiss etdirir. Məncə uşaqlar üçün bundan daha ibrətamiz, maraqlı bir nağıl ola bilməzdi. Ən sevdiyim nağıllardan olduğuna görə Çippolinoya da bir incələmə həsr etmək istədim.
Gecəniz xeyrə qalsın
Gökyüzünden Gelen Pasta 
Gianni Rodari
