Can Welat Can
Nizanim ez dilê min kê ra dîn e
Awarê kê, mala kê da dimîne
Nizanim ez dilê sergeşteyê min
Dîlê mest nêrgiza kîjka şîrîn e
Ez ew rind im ji şahan distînim bac
Zirxê ber dikim datînim serî tac
Serê merdan natewe l' ber nemerdan
Eger min daliqînin wekî Hellac
Ez li colê binêrim, te dibînim
Ez li behrê binêrim, te dibînim
Her cihe ku dinêrim, koh , der û deşt
Nişanek ki qemxweşa te dibînim
Sayfa 41Kitabı okuyor
Evînê canê min da hil kir yek ar
Dê sojît ta roja heşrê ew her car
Te sosret kirasek birî ji bo min
Debê ecel ji bo bibit dirûnkar
Eger te dî yara min li xelwetê
Bêjê ey bêwefa, ey bêmurwetê
Pêsîra min ji destê te diryaye
Dê nedrûm ez ta roja qiyametê
Şêremêrek bûm ez, lê dil çi zanî
Dihêt ser min ecel şêrê nehanî¹
Ji min xwe diparast şêrên şeranî
Dijî mergê nebû min çu şîyanî
Buhar tê li der û deşt û gulzarê
Cewanî jî diborît wek buharê
Dê şîn be lale ser gora cewanan
Dema dêmhîv bêne geşta gulzarê
Çarîn 79 ( Dilê Bêeşq )
Dilê bêeşq, biçilmise çêtir e.
Kesê bêderd eger bimre çêtir e.
Canê ne sabit e l'ser riya eşqê.
Zerre zerre bikizire çêtir e.
Sayfa 109
Çarîn 77 ( Her Baxê Ku )
Her baxê ku şitlên wî derbeder be
Baxvanê wî herdem xwînîncîger be
Divê darên wî ji binî ve rakin
Welew ku berê wan, la`l û cewher be
Çarîn 76 ( Eger Tu Bê )
eger tu bê, bi canê te dilxweş im
ku tu neyî, ji hîcranê dilsoj im
were derdê xwe tev berde dilê min
yan bimrim, yan bisojim, yan binasim.
Çarîn 75 ( Tu Ji Min Dûr Î )
Tu ji min dûr î, dilê min ji min dûr
Hemû hewesê dinyayê ji min dûr
Bi canê dilberê ku l`herdu alem
Ji xeynî dilberam, her tişt ji min dûr
Çarîn 74 ( Dilêm Dur E )
Dilêm dûr e, bi halê wî nizanim
Kesî divim ku peyamkê bişînim
Ey Xweda tu mirina min dereng ke
Da ku ez çavên yara xwe bibînim
Çarîn 73 ( Kafir İm )
Kafir im ger cardin biçînim lale
Kafir im ger cardin av bidim lale
Kafir im ger navê lale zikr bikim
Dilê min dused car dax daye lale
Çarîn 72 ( Ez Bi Derd Neşewitîme )
Ez bi derd neşewitîme, derman çi
Ez nemirime, girî û fîxan çi
Gul û lale şewitîne sertaser
Ma eger bicivin ewr û baran çi
Çarîn 71 ( Dilêm Derdîn Û Nalîn E )
Dilêm derdîn û nalîn e, çi bêjim
Ruwêm tozîn û axîn e, çi bêjim
Li nav heftê`w du milletan geriyam
Ji murîdên sed mezheb re çi bêjim
Çarîn 70 ( Dilêm Bê Wesla Te )
Dilêm bê wesla te şadî nabîne
Ji derd û xeman azadî nabîne
Xerababadê dil, bê hatina te
Îlahî ti wext abadî nabîne