İmtisâl-i "câhidû fillah" olubdur niyyetüm
Dîn-i İslamın mücerred gayretidür gayretüm
Fazl-ı Hakk u himmet-i cünd-i ricâlullah ile
Ehl-i küfrü ser-te-ser kahr eylemekdür niyyetüm
Enbiyâ vü evliyâya istinâdum var benüm
Lütf-i Hak'dandur hemân ümmîd-i feth u nusretüm
Nefs ü mâl ile n'ola kılsam cihanda ictihâd
Hamdü lillâh var gazâya sad-hezâran rağbetüm
Ey Mehemmed, mu'cizât-ı Ahmed-i muhtâr ile
Umarum gâlib ola a'dâ-yı dîne devletüm