Təxmini 2 aydır kitablardan ayrı düşmüşdüm. Nə edirdimsə,yenidən oxumağa başlaya bilmirdim. Düşündüm ki,belə etdikcə ümumiyətlə, uzaqlaşmış olacam. Və mini klassika ilə başlayım dedim.
Siçanlar və Adamlar kitabını seçdiyim üçün sevincli hal yaşadım:)
Əsər sədaqət, bağlılıq, dostluq, vəfa, fədakarlıq kimi bir çox insani xüsusiyyəti özündə cəmləşdirmişdir.
Corc və Lenni- iki dost, sirdaş, yoldaş. Zəka geriliyi olan və başı bəladan qurtulmayan Lenni və nə olursa olsun onu tək qoymayan, qoruyan Corc. Ortaq xəyalları, məqsədləri olan bu iki dost çox çətin sınaqdan keçməli olur. Çox hüznlü və təsirli səhnələrin yer aldığı əsər kiçikhəcmlidir. Lakin insanda buraxdığı iz olduqca dərindir.
Həyatımıza Corc kimi dostunu təmənnasız sevən insanlar çıxması diləyiylə...:)