(Reis-ül Küttab Şami-Zadeye Gazel)
- IV -
1- Hüsn-i güftarı şeker handı feminden bilürüz
Neşve-i cam-ı Cemi feyz-i deminden bilürüz
2- Buluruz nakş-ı cebin ile der-i dildarı
Ka'be-i hüsn-i mutaf-ı hareminden bilürüz
3- Şöyle medhüş gamız biz ki hayal-i yarin
Geldügin sinede nakş-i kademinden bilürüz
4- Etmiş iken dili kand-ı keremi şirin-kam
Lezzet-i lütfunu zehr-i siteminden bilürüz
5- Girye-i çeşmi görüb 'işmete şad hayf deriz
Mevc-i keşti-şikeni cuş-i yeminden bilürüz
6- Dil-i sevda-zede bi-behre-i saman idüğin
Meyl-i zülf-i siyeh-i ham-be-hamından bilürüz
7- Etme inkar-ı mahabbet gönül ol şuhun biz
'Aşıkın mertebe-i derd-i-gamından bilürüz
8- Anlaruz derd-i dili nakd-i şirişk-i terden
Sahib-i sikke-i 'aşkı direminden bilirüz
9- Nefes-i pak-i revan-bahşına taklid olmaz
ruh-i Kudsi eser-i feyz-i deminden billürüz
10- Dehr ola devletinün bende-i ferman-darı
Ta ki mihr-ü-mehi dehrün hademinden bilürüz
11- Dil-i Vecdide olan kuvvet-i isti'dadı
Nazar-ı pak-i veliy-yün ni'aminden bilürüz
- V -
1- Hafız-ı levh-ü-kalem ya'ni re'is-ül-küttab
kim bu tertib-i umuru kaleminden bilürüz
2- Mah-ı gerdun-ı kerem hazret-i Şamizade
Kim ziye-yı şeb-i bahtı kereminden bilürüz
3- Oldugun layık-ı tugra-yı kabul ahkamın
Ziver-i hatt-ı nişan-ı rakamından bilürüz
4- Dustun fark ederiz gayet-i şadisinden
Düşmenin dahi kemal-i eleminden bilürüz
5- Cah-ı imzasına muhtac iken ikbal etmez
Anı da fart-ı 'ulüvv-i himeminden bilürüz
IV) Ü ÜA ÜB ÜC ÜD ÜE ÜF ÜG ÜK ÜL ÜM FA FB H M S A Üh Fc
5 -Ük
7 şühuh biz: şuhun kim Fa
9 -Üb Üg Fa
10 -Üa Üb Üe
V) Ü Üa Üb Üc Üd Üe Üf Üg Ük Ül Üm Fa Fb H M S A -Üh Fc
3 rakamından: kaleminden Fa H
5 anı da: anı biz Üd Üe Üf H
Not: kopyalarda bağımsız gibi gösterilmişse de IV za'ya ek bir gazeldir M.A.
17. Yüzyıl Divan Şairlerinden Vecdi (Abdülbaki) Divanı, Mehmet Aydın