İsa Hüseynovun “Saz” əsərində müharibənin arxa cəbhə olaraq hiss edildiyi, lakin
elə müharibədəki qədər əzmin, zəhmətkeşliyin nümayiş etdirildiyi əsərlərindən biri
də budur. Əsər ikinci dünya müharibəsi illərinin çətinliklərini ya da bizə çatdırıla
bilinəcəyi qədər məhrumiyyətlərini, özləntilərini əks etdirir. Əsərin iki əsəas sürəti
vardır. Hansı ki, onların simasında əsərə sözün əsl mənasında sevə və ya nifrət edə
bilərik. İsfəndiyar kişinin oturuşmuş, ağsaqqal və dik duruşlu bir obraz
yaradılmışdır. El dili ilə desək “köhnə kişilərdəndir”. O, iki oğlunu müharibəyə
yola salıb. Zaman-zaman oğul həsrəti çəkir. Evə gəlib oğullarını ailələrinin başında
görməyəndə öz dili ilə desək “ ürəyinin başına od düşür”. Əsəri oxuyarkən bir
məqamda mənə elə gəldi ki, İsfəndiyar kişiyə nəsə olacaq o nə daha öz
övladlarının qayğısını çəkə biləcək, nə nəvələrini əzizləyə biləcək nə də həqiqi
mənada gəlinlərinə atalıq edə biləcək. Lakin yazıçının bu obrazı elə bu məqamdaca
öldürməyi heç də məntiqdən bir addım olmazdı. Bəlkə də, İsfəndiyar kişinin o
qədər düşündürən şey tək öz ailəsi yox, elə müharibənin nə vaxt bitməsi ehtimalı,
bitib-bitməməsi düşüncələri, nəvələrinin atasız qalma halı idi.Ahıl yaşında ona
uzanan əlləri boş qoya bilmir. Dəmirçi dükkanında yenidən əlinə iş alır, dəmir
döyür. Bir növ bununla bacardığı, həyatda olduğu müddətcə kömək etməyə çalışır.
Haqsızlıq onun aləmində ən böyük güanhlardan sayılır. Heç bir bəndənin nə
haqqının yeyilməsini, nə də haqq yeməsini həzm etmir. Məhz buna görə də Qılınc
Qurbanla belə üz-üzə gəlir. Onun haqszılıq etdiyi məqamlara dözə bilmir.
Müharibənin gərginliklərini öz üzərində cəmləşdirmiş, bir növ “zəhər tuluğu”
təsirini bağışlayan, idarəçililik imkanlarından müəyyən hallarda sui-istifadə edən,
bəzi hallarda müahribəyə getmiş adamların ailəsinə qayğı göstərən, vəzifəsi ilə
ağsaqqallıq iddiasında olan bir surətdir. O, deyirdi ki, “Mənim qılıncımın arxası da önü də kəsir,hər kəs mənim istədiklərimi eləməli,heç kəs mənim sözümdən
çıxmamalıdır”. Qılınc Qurbanın hər kəsə şübhə ilə yanaşması , İsfəndiyar kişini
müaharibə vaxtı arxa cəbhədə qeyrətsiz kimi oturmaqda günahlandırır. Bu cür
münasibəti qəbul etməyən İsfəndiyar kişi ona etiraz edir, onunla üz-üzə gəlir.
Əslində Qılınc Qurbanın düşüncələrində, əməllərində bir təlatümün, ziddiyyətin
olması müharibə gərginliyi, müharibənin canlar alması, gedənlərin qayıtmaması,
evlərin başsız qalması ilə bilavasitə bağlıdır. Əsərin simvolik olaraq “Saz”
adlandırılması, İsfəndiyarın sinəsində yanığlı-yanığlı çalınması xalqımızn çətin
vəziyyətdən necə üzüağ çıxdığına işarədir.