Home
Search
Explore
What to Read?
Sign In
Sign Up
Shopping
Explore
Books
Authors
Readers
1000Kitap Android ApplicationFREE – Download from Google Play
1000Kitap iOS ApplicationFREE – Get it from App Store
©2024 · 1000Kitap Web Application · 2.37.32
Gönderi
Deməli, məsələ nədir...
Birinci dünya müharibəsinə dair bundan 3 il əvvəl Ernest Heminqueyin "Əlvida Silah" əsərini oxumuşdum deyə, həmin mövzuda başqa bir kitab oxuyanda bir qədər təkrara düşdüyümü hiss elədim.
Birinci dünya müharibəsi barədə kitab oxumaq istəyənlərə tövsiyə kimi, iki kitabdan birini oxumağı deyərdim. Aradan 3 il keçib, yenə də həmin təsiri aldım. Hər iki kitab çox gözəl tərcümə olunub və axıcıdır, yəni Azərbaycan dilində ürək rahatlığı ilə oxumaq olar. Birinci dünya müharibəsinə dair çox filmlərə baxmısınızsa kitabı oxumazdan əvvəl fasilə versəniz yaxşı olar. Sonra hər şey təkrar kimi gəlir.
İki kitab da eyni mövzudadır. "Müharibə olmamalı idi. Müharibə neçə - neçə insanın həyatını məhv etdi. Oradan sağ qayıdan insanlar da ölənlərə bərabərdir."
Bu fikirlərlə tamamilə razıyam. Humanizm nöqteyi-nəzərdən yazılması iki kitabı da bəyənməyimə səbəb oldu. Əlbəttə Ernest bir qədər məsələni çox uzadıb, gənclik romanına çevirib, araya qadınlar, içki, cavanlıq kimi mövzuları da salıb. Qınamaq olmur, çünki 18-20 yaşındakı gənci (özünü) daha başqa cür təsvir edə bilməzdi.
Remark isə məsələni kökündən vurub. İlk öncə eyni üslubda başlamış, sonradan isə oxucunu dəhşətin tam ortasında hiss etdirməyi bacarmışdır. Daha realist olduğu üçün, seçə bilsəydim yəqin ki, ilk öncə Remarkın kitabını oxuyardım amma İlber Ortaylının sözü burada yadıma düşür ki, bəzi kitabları vaxtında oxumaq yaxşıdır. Hesab edirəm ki, "Qərb cəbhəsində təbəddülat yoxdur" kitabını 3 il əvvəl yox, məhz indi oxumağım əla təsadüfdür.
·
69 views
Yorum yapabilmeniz için giriş yapmanız gerekmektedir.