1. Aferin devrine ey âfet -i devrân Tahsin
Zulmüne gerdîşine her dem u her an Tahsin
2. Bir karışdır bacağın bir buçuk endâze boyun
Fitne sandukası şer mahzeni şeytan Tahsin
3. Sâni'in sun'ina yokdur diyecek âmennâ
Yaradır sûret -i insanda hayvan Tahsin
4. Var mıdır şehr-i Stanbul'da sen teg mensûh
Fitnede tam veli cisimde noksan Tahsin
5. Sayılı fırtınasın kim karayelden boksun
Seni gördükde kaçar sâhile korsan Tahsin
6. Boyraz ağızlı lodos çehreli yıldız gözlü
Ey keşişleme kıyâfet a ruhbân Tahsin
7. Kapudanlar seni gordukde âbâtî karayel
Istiaz ile arar her biri liman Tahsin
8. Mazhar-ı himmet âgûşı Nâfiz Paşa
Kürkü ters giymekle mesnede şayan Tahsin
9. Sen gibi çalkazan eşek kafalı defterdâr
Kendisi Curci Nacioğlu gazelhân Tahsin
10. Ellezi öyle Reşid Beg ki bir an vaslın
Derkenâr eylemedik kalmadı insan Tahsin
11. Sen gibi bir huyu bed meşrebi bed heykeli bed
İsfahan maymunu hirsân - Horâsan Tahsin"
12. Sebeb oldun beni Of dan niçin azletdirdin
Hizmetinde ne kusûr eyledim elan Tahsin
13. Vermedin mâliyeden gelmiş olan sûretimi
Kanı kânûn şehinşâh-ı cihân -bân Tahsin
14. Olasın mazhar -ı şimşir-i kanûn -ı şehî
Eyledin azlimi icrâ ile bevz-kan Tahsin
15. Büyük ağa ile îmânima etdin seferi
Halkı izlalde eyler sana şeytan Tahsin
16. Sâmi'de yemediğin fişkıyı Vâsıf'da yedin
Bir teressin ki bulunmaz sana akran Tahsin
17. Herkesin zemmine açdıkda dehhân ey Zihnî
Ahdim olsun sana şetmedeyim ol an Tahsin
Bayburtlu Zihni