Baskervillərin İti Şerlokun oxuduğum ilk əsəri idi. İndiyə qədər oxumamağıma səbəb Puaroya xəyanət edəcəyim fikri idi. Amma kitab hədiyyə olduğu üçün öz xoşumla xəyanət etməyəcəyimi düşünüb oxumağa qərar verdim. Maraqlı dedektiv kitablarından biri idi. Bunu oxumaqla niyə dedektiv janr deyəndə hər iki yazıçının, dedektivlərin müqayisə edildiyini anladım. Çünki Artur və Aqata eyni üslubda yazıblar. İlk öncə hadisə baş verir, əsərlər Puaronun dostu Hastinqs ya da Şerlokun dostu Uotson tərəfindən nəql edilir. Ən sonda isə Puaro ilə Şerlok hadisənin üstünü açırlar. Onlar arasında fərqlər, Puaro Şerloka nisbətdə xarici görünüşdə çirkin, ama vərdişləri cəhətdən daha sağlam biri kimi göstərilir. Ondan başqa Puaro hadisəni həll edəndə "kiçik boz hüceyrələrini" istifadə edir. Halbuki Şerlokda elə xüsusi bir şeyə rast gəlmədim. Əsərləri yazmağa başlayanda Aqatanın Arturdan təsirləndiyini demək olar. Amma yaratdığı əsərlərin şah əsər olduğunu demək borcumdur.
