NA'T-İ ŞERÎF-İ TEŞEKKÜRÎ
1 Ki sensin Hazret-i Hak nâzenîni yâ Resûlallâh
Kim oldun bezm-i lâhûtun yakîni yâ Resûlallâh
2 Senin teşrîfine bu mümkinât bunca mahlûkı
Yaratdı nüh-kıbâbı hem zemîni yâ Resûlallâh
3 Melâ'ikden nice bin hıdmetine eyledi me'mûr
Kodı vahyin içün peyk-i emîni yâ Resûlallâh
4 Yeter bu şâh-ı mürsel oldıgın i'caz 'âlemde
Geçüp 'arşı olup kürsî-nişîni yâ Resûlallâh
5 Yakîn oldun o denlü kurb-ı Rahmân'a ki ta'zîmen
Sana keşf oldı her mahfî hâzîni yâ Resûlallâh
6 Ve ger dünyâ vü 'ukbâda olup meşhûrîni oldun
Şefâ'at tahtının şşh-ı güzîni yâ Resûlallâh
7 Dem-i mahşerde 'isyânından 'âciz kalmış usâtlar
N'olur hâli sen olmazsan mu'îni yâ Resûlallâh
8 Güneh-kârı senin va'd-i şefâ't şekker-elfâzın
Sevindirdi nice kalb-i hâzîni yâ Resûlallâh
9 Hücûm-ı leşker-i gamdan penâh olmak içün emîn
Ki sensin kal'a-i burc-ı metîni yâ Resûlallâh
10 Kebâ'irden sagâ'irden yüzi kara düşüp kalmış
Elinden tut bu Rûhî müznibîni yâ Resûlallâh
Sayfa 100Kitabı okudu
·
51 görüntüleme
Yorum yapabilmeniz için giriş yapmanız gerekmektedir.