32*
Sözüm ay gün-içün degül sevenlere bir söz yeter
Sevdügüm sevilmez-ise sevmek derdi beni bogar
47*
Işk-ıla gelen erenler içer aguyı nûş ider
Topuga çıkmayan çaylar denizile savaş ider
62*
İşidürem sözini göremezem yüzini
Yüzini görmeklige cânum viresüm gelür
67*
Açlık sonı toklukdur
Tokluk sonı yoklukdur
Bu yollar korkulukdur
Allah görelüm n'eyler
70*
Okudum bildüm dime çok ta'at kıldum dime
Eri hak bilmezisen abes yere yelmekdür
Dört kitâbın ma'nâsı bellüdür bir elifde
Sen elifi bilmezsin bu nice okumakdur
Yunus Emre dir hoca gerekse bin var hacca
Hepisinden eyüce bir gönüle girmekdür