"Dîdarên pakîya rewan
Zîldana peyvên herî hêja û kibar
ku bibin rêwîyê rêya we yê bi kêrî tiştekî neyên
lê navên gelekan di janên jehrdayî de qusîyan"
Dilê min îşev li min gilî kir
Ew ê werin ronahîya çavên min
dilop dilop hêsirên min ji min bidizin
Ew ê werin di tarîbûna bîrên neyarî de
li hestîyên laşê min bigerin
Dilê min îşev li min gilî kir
Ew ê werin xerabîya evîndaran di guhên min de biqîrin
û wê ciwanîya min pêşkeş bikin
Wê bifiroşin bi erzanî
Ew ê werin bang kin pîreke lal û bêziman
Awirên wê wekî birûskên neçarîya zarokekî bihêrs
û wê pîrika hanê dergûşa dawîya jîyana xwe hêl dikir
Dilê min îşev li min gilî kir
Ew ê êgir berdin wêran bikin
helbestên jîyana feqîr û parsekayî û kûçikayî
Ew werin leşkerên barbixwîn biajon ser kesera min
Dilê min îşev li min gilî kir
Rabe looo!
Mezelên pênivîsa evîndarên dilşewat
Bi pelandina destên kor bibîne
Ew ê werin toz û dûxanê li me hilê
di wê mêzîna belengazîyê de
Erê... rast e, dilê min îşev li min gilî kir
Ew ê werin temaşe bikin nêçîra şevên bêbext
Xelasîya xewneke derewîn
Erêêê, Erêêê
Erê dilo
·
223 views
Yorum yapabilmeniz için giriş yapmanız gerekmektedir.