... Səni unutmalıydım,
Özümü bağışlamalıydım.
Çünki, başqa yolum yoxuydu-
Və yenidən başlamalıydım -
Bu dəfə, sənsiz...
...Sahmana salmalıydım,
Duyğularımı, saçımı-saqqalımı,
Bir sözlə hər şeyimi -
Və əminliklə addımlamalıydım
Hədəfə - sənsiz...
.
..Səni unutmalıydım,
Dava yox, davam etməliydim,
Bitirməliydim - həyatımı deyil,
Aramızdakı münasibətləri...
...Mən də gözəl bilirdim, sən də
Bilməyən yoxuydu əslində
Nə olursa-olsun önləməliydim
Başımıza gələcək müsibətləri...
... Səni unutmalıydım,
Unutmalıydın sən də...
Göy uçub, yer yarılmayacaqdı?!
Çətini qərar vermək, sonra da -
Yelləməkdi - əlləri havada...
...Bütün hallarda
Şükür Tanrıya - tələf olmadıq
Əksinə təlafi etdik - səhvləri!
İndi dadını çıxarırıq ömrün-
Sən ayrı, Mən ayrı - yuvada...
··
3 artı 1'leme
·355 görüntüleme
Yorum yapabilmeniz için giriş yapmanız gerekmektedir.