14-155 arası bir ədəd yazın, şeirlənək.🕊️
(səhifə sayına uyğun olaraq)
Sevgi Məktubları
Sevgi Məktubları55 Yorum
Lütfen giriş yapınız.
Vəfa Hafiz
Gönderi Sahibi
Bu dünyada asılanlar
Ta əzəl başdan asılıb.
Alçaqlıqlar ucalıqdan
Eniş yoxuşdan asılıb.
Təməlimiz fələklərdən,
Əməlimiz ələklərdən...
Sevdamız daş ürəklərdən,
Ürəklər daşdan asılıb.
Kimsə bilməz bu nə sirdi,
Haq da bir, nahaq da birdi...
İşıq zülmətə əsirdi,
Barış savaşdan asılıb.
Xərabələr dayağından,
Zülmlə şər boyağından...
Əsarət öz ayağından,
Azadlıq başdan asılıb.
Dilimdən asılan sözlər
Ölüm umur ölümsüzdən...
Təsəlli - baharı gözlə...
Bahar da qışdan asılıb.
Bütün yol gözləyən gözlər
Bir damla yaşdan asılıb...
Bu da məndən olsun:
Üzüləcək yerimmi var?
Di çək, üzülüm sap kimi.
Götür, oxu ürəyimi
Oxunmamış kitab kimi.
Bir yolçuyam - izlərində,
Bir ömrüm var - sözlərində...
Qoru məni, gözlərində
Qoruduğun əzab kimi.
Vəfa Hafiz
Gönderi Sahibi
Səni də itirdilər
günün yol ayrıcında,
Məni də unutdular
dan yeri ağarmamış.
Keçdin eşq körpüsündən
barmaqların ucunda
Ünvansız sevgilərin
mənzilinə varmamış.
..Yenə yol ayrıcında
xəzan vurur illəri,
Solğun kirpiklərimə
payız yuxusu gəlir.
Qız, sənin saçlarında
yarpaq tökür əllərim,
Yorğun barmaqlarımdan
yağış qoxusu gəlir...
Vəfa Hafiz
Gönderi Sahibi
Uzaq... uzaq bir yol ola
Gedəsən sonuna kimi.
Bir sevdaya tutulasan
İşləyə qanına kimi.
Göz yaşların durula kaş,
Kirpiyindən qırıla kaş.
Ruhun eşqə sarıla kaş,
Haqqın divanına kimi.
Vəfa Hafiz
Gönderi Sahibi
Səsim səsində yaşar,
Nəfəsim nəfəsində -
Bir udum hava kimi
Sinənə çək, ud məni.
Əgər bir gün dünyanın
Düzəni də pozulsa,
Bir ömür də verilsə,
Bir qismət də yazılsa...
Hər ayaq izin üstə
Bir məzarım qazılsa,
Bir ömür başdaşım ol,
Bir ömür unut məni...
Reklam
Vəfa Hafiz
Gönderi Sahibi
Səsim səsində yaşar,
Nəfəsim nəfəsində -
Bir udum hava kimi
Sinənə çək, ud məni.
Əgər bir gün dünyanın
Düzəni də pozulsa,
Bir ömür də verilsə,
Bir qismət də yazılsa...
Hər ayaq izin üstə
Bir məzarım qazılsa,
Bir ömür başdaşım ol,
Bir ömür unut məni...
Vəfa Hafiz
Gönderi Sahibi
İslanmadıq bu sevdanın yağışlarında,
Buludları buz bağladı baxışlarımdan...
Səndən özgə bu dünyada ağlayanım yox
Bir ovuc da mənə saxla göz yaşlarından...
Vəfa Hafiz
Gönderi Sahibi
Sən demə, heç yoxmuş
həsrətin sonu.
Sən elə tənhaydın,
mən elə təkdim.
Nə çəkdin, nə çəkdim
bilirəm bunu -
Sən eşqi,
mən eşqin şəklini çəkdim.