Fâ'ilâtün fâilâtün fâilâtün fâilün
1 Evvelâ 'ayb u hatadur âdeme kizb ü hilâf
Sâniyâ terk-i salâtın sinesi ola mı sâf
2 Sâlisâ kibr ü haseddür hâlik-i îmân olan
Mü'minim diyü abes yere sakın gel urma lâf
3 Râbi'â meyl-i zinâ vü hem livâta kıl hazer
Bir Müselmâna yakışmaz incinüp itme masâf
4 Hâmisâ şürb-i hamır űmmül-fesâddur meyli kes
Hiç sezâ mı gire hulkûmdan aşağı tâ-be-nâf
5 Sadisâ itme 'ibada reng ü hile el-hazer
Dâma düşüp hile-kârın semtini itme tavâf
6 Sabi'a itme hilâf-ı şer' tekdir-i kulûb
Bu günahın a'zamıdur bundan eyle insırâf
7 Tâsi'â setr-i 'uyûb it halki ta'yib eyleme
Nefsini levm it hemîşe it kusûra i'tirâf
8 İşte bunlardur usûl-i şer'-i muhtâr-ı Resûl
Mihlik-i îmân bulardur bunda var mı ihtilâf
9 Hak seni itsin beri ef'âl-i ziştden dâ'imâ
Bu sınuklarla olur m Sıdkîyâ hîç i'tilâf