.........YÂ RESÛLALLAH ( MÜNÂCÂT )
Kelâmın mutlakâ vahy-i ilâhî yâ Resûlallah
Rumuzun 'ârife mahz-ı tesellì yâ Resûlallah
2 Vücûdun 'ayn-ı cevherdür mücerred oldı a'râzdan
Bu remzi fehm ider erbâb-ı mâ'nî yâ Resûlallah
3 Sen oldin 'illet-i gâ'iyye-i hem âdem ü 'âlem
Sen oldin hâsılı icâda bâdî yâ Resûlallah
4 Ne var fevka'- 'alâ tahte's-serâ zâtında muzmerdür
Sen oldiñ kenz-i mahfînin emîni yâ Resûlallah
5 Mu'arrefdür sıfâtın sûre-i Ve'n-Necmü Er-Rahmân
Cemâlin sûre-i seb'a'l-mesânî yâ Resûlallah
6 Şefa'at nâv-danıdur dehânın ma-hasal cânâ
Lebin ehl-i usâta oldi şâfî yâ Resûlallah
7 Tek ü pûda tehâvün 'arz idüp Cibrîl-i zî-kuvvet
Vemâ minnâ kelâmın oldı tâli yâ Resûlallah
8 Ne havf var ne recâ ne hod gönülde 'aşkdan şemme
Harâb itdi beni irfân-ı kâli yâ Resûlallah
9 Te'eddüb itdigim yok râh-ı şer vü tarîkatde
Yine müncer olur encâm-ı kârî yâ Resûlallah
10 Ma'ârif iddi'âsı nefse sıklet kalbe kasvetdür
Giçür bu vartadan nefs-i le'îmi yâ Resûlallah
11 Nedür bu güft-gûlar bî-hûde itdim ömrimi tazyî'
Mezelletle hebâ itdim vücûdı yâ Resûlallah
12 Ne zahirde 'amel ne bâtınımda zerre hâlât var
Bana himmet buyur kalb-i selîmi yâ Resûlallah
13 Hurûșa gelse sultânım hakımda kulzüm-i himmet
Bulurdım keşmekeşden hem halâsı yâ Resûlallah
14 Mukârin oldı bir kelb ehl-i ğâra oldı çün makbûl
Kabûl it sen de bu hâli tebâhı yâ Resûlallah
15 Halâvet bulmadım bu âna dek 'ömr ü günümde hîç
Olam şimdengerü sâyende şâfî yâ Resûlallah
16 Ma'âzım hem penâhim (sen) efendim hem șefî'im sen
Tașahhüb eyle bî-berg ü nevâyı yâ Resûlallah
17 Bu hestî bârın hammâlı oldı nefs-i nâ-dânî
Bî-çâre Sıdkînin ol dest-gîri yâ Resûlallah
Sayfa 222Kitabı okudu
·
46 görüntüleme
Yorum yapabilmeniz için giriş yapmanız gerekmektedir.