Sözüm sizədir, sözüm sənədir
"Ey mənim müsəlman qardaşlarım, sizi deyib gəlmişəm"
Sözüm sizədir
Ey mənim yalançı dostum
Sözüm sənədir
Ey mənim fırıldaqçı satıcım
Sözüm sizədir
Ey mənim yazıq dilənçim
Sözüm sənədir
Ey mənim 13 yaşında qoparılan gülüm
Və onu qoparan valideynləri
Sözüm sizədir
Ey namusdan danışıb namussuzluq edən
Sözüm sənədir
Ey təhsildən danışıb bisavad müəllimim
Sözüm sizədir
Ey "ay sevirəm, sevirəm" deyib atan "kişi"
Sözüm sənədir
Ey günü qeybətlə keçən xanımlar
Sözüm sizədir
Siz ki yığılıb
Olmusunuz bir millət
Və sizə deyirlər
Azərbaycanlı
Bilin, mənim əziz dostlarım
Onlar xəta edirlər
Əsl azərbaycanlı o kəs idi
Kim, mətbuatı yaradıb təqibə məruz qala
Əsl azərbaycanlı o kəs idi
Kim, ölüb cənazəsi 3 gün basdırılmaya
Özü də ilk "Azərbaycan milləti" sözünü işlədən ola
Əsl azərbaycanlı o kəs idi
Kim, azad cümhuriyyət qurub, Ankara da vəfat edə
Əsl azərbaycanlı o kəs idi
Kim, ölüm ayağında belə maarifçi şeirlər yaza
Əsl azərbaycanlı o kəs idi
Kim, "Yenə o bağ olaydı" yaza
Repressiyaya qurban gedə
Əsl azərbaycanlı o kəs idi
Kim, riyakar dindarları tənqid edə
Özünə də "ateist" deyilə
Əsl azərbaycanlı o kəs idi
Kim, sərvəti bir millətə xərclənə
Sonra o millət ona bir tikə ət verməyə
Əziz dostlar, hələ var xeyli başqaları
Ömür yetməz, qurtarım burda saymağı
Sözüm onda, əziz yoldaşlarım
Sizə ki kim dedi, azərbaycanlısan
De ki, - "sən xətalısan
Yaraşmır o millətin adı
Mənim qanıma
Qoşula bilməz o ifadə
Mənim adıma
Onlar axmaqdır
Yox etdilər özlərini
Bir millət dirçəltməyə
Necə onla qoydun bizi tərəziyə?
Onlar axmaq, yazıq, bir çoxu kafir
Yox, bizə özümüzünkülər kafi
Sən də baş qoşma onlara
Düşünmə, oxuma, yazma
Gəl, səni də evləndirərik
Qoşarıq bir tanışın yanında işə
Ye-iç, sən də kef elə
Sonra işlərsən, qocalarsan əlbət
Baxar sənə onda oğul-uşaq
Ölüm döşəyin olar yumşaq"
·
93 views
Yorum yapabilmeniz için giriş yapmanız gerekmektedir.