3-487 arası bir ədəd yazın, şeirlənək.🕊️
(Universitetimizin müəllimi Rafiq Yusifoğlu şeirləri ilə...)
Seçilmiş Əsərləri II.Cild
Seçilmiş Əsərləri II.Cild··
1.057 Gösterim
31 Yorum
Bu yorum görüntülenemiyor
286
Şeirlənək, Vəfam💙🥹
İçin-için yanıram,
Səni xoşbəxt sanıram.
Gözlərini anıram
Söykənib bir palıda.
Yağış süzülür dən-dən,
Unuda bilmərəm mən
Üzünə bəzək verən
O xırdaca xalı da.
Seyr edirəm çəməni,
Sevirsənmi de, məni?
Gözləyəcəyəm səni
Döysə məni yağış da,
Döysə məni dolu da.
Getdi vüsallı günlər,
Ayrılığa sinə gər.
Sevməsəydin sən əgər,
Vida vaxtı gözlərin
Dönərdimi buluda?!
5 yanıtı göster
Bu yorum görüntülenemiyor
Düşünürəm baxdıqca üstü güllü donuna,
Sinəsi gül-çiçəkli çöllər sənə oxşayır.
Bilirəm necə safsan, desəm heç yalan olmaz,
Suyu dupduru, təmiz göllər sənə oxşayır.
Boylanıram qabağa öz arzumun səsiylə,
Ürəyim cuşa gəlir sevilmək həvəsiylə.
Desəm heç yalan olmaz, ətirli nəfəsiylə
Ürəyimi oxşayan yellər sənə oxşayır.
Gözəl gül seçim deyə gəzdim çəməni, dağı.
Güllər necə qəşəngdir, qızarıbdır yanağı.
Səni gülə, çiçəyə necə oxşadım axı,
Sən gülə bənzəmirsən, güllər sənə oxşayır...
Reklam
Sənə rast gələndən dincliyim itib,
Sirdaşım olubdur yağışlar mənim.
Yolumun üstündə tikanlar bitib,
Yaxır kinayəli baxışlar məni.
Şam tək əriyirəm hey için-için,
Kükrəyir qəlbimdə nifrət dənizi.
Qəlbimi odlara qalamaq üçün
Tale ürcahıma çıxarıb Səni.
Sevda yollarında mən naşı oldum,
Büründü dumana, çənə bu sevgi.
Sevdim, mükafatım göz yaşı oldu,
Səadət vermədi mənə bu sevgi.
Canımda sehrli bir alov gəzir,
Çiçəyə vuruldum, quşa vuruldum.
Dənizi görəndə ürəyim əsir,
Gözümdən çağlayan yaşa vuruldum.
Yolumun üstündə at çapır külək,
Titrəyən ürəyim payız nanəsi.
Sənin həsrətinlə döyünən ürək
Çevrilib olubdur qəm viranəsi.
Yorum yapabilmeniz için giriş yapmanız gerekmektedir.