Qorxulu elmi-fantastikanın təməli)Korku
Əvvəla qeyd edim ki, Lavkraft aludəçilik yaradır. Onunla paralel başqa alt-janrlarda qorxu əsərləri oxusam da, eyni effekti ala bilmirəm. Niyəsə qotik qorxu üslubu oxuyan anda "Scooby-Doo" cizgi filmini xatırlayıram və gözümdə o cizgi filmdən kadrlar canlanır.
Kosmik qorxu isə tamamilə başqadı.
"Qaranlıqda pıçıldayan" əsəri bu janrın niyə belə adlandırılması sualına da bariz cavabdır. İlk dəfə idi ki, Lavkraftın əsərində sırf planetlər arası səyahətdən söz açıldığına şahid oldum. Maraqlıdır ki, sözügedən mövqeydə Pluton planeti (hazırda planet deyil) yerləşir ki, Pluton da mifologiyadan yeraltı dünyanın tanrısı - əksər animasiya və əsərlərdə çoxluğun qorxduğu - kimi qarşımıza çıxır.
Əsərdə qorxu ilə yanaşı nə vaxtsa mümkün olacaq texnoloji innovasiyalardan da söz açılır ki, məhz buna görə də əsəri müəyyən mənada elmi-fantastika qığılcımları daşıyan hekayə adlandırmaq olar.
Ümumi olaraq hekayədən çıxarılan nəticəyə qaldıqda, subyektiv olaraq mən "Ambisiyaları uğrunda insanın bəzən ölümə belə çəkinmədən addımladığı, rasional olmayan qərarlar verdiyi, güvənilməyəcək vədlərə güvəndiyini" başa düşdüm.
Oxuyacaq hər kəsə xoş mütaliələr arzu edirəm)
·
70 Gösterim
Yorumlar
Lütfen giriş yapınız.