Marc Levi müəllifliyi ilə oxuduğum ilk kitab idi. Detektiv sevməsəm də, yenə gəlir tapır məni)
Hadisələrin əvvəli və sonu əla olsa da, ortalarda hadisələrin və iştirakçıların çoxluğuna görə sıxıldım düzü. Amma sonunu oxuyanda dedim ki: “Yaxşı ki, yarım qoymadım”.
Jurnalist Endryu Stilman araşdırma zamanı təhlükəli hadisələrlə üzləşir. Bir səhər qaçış zamanı o, ölümcül yaralanır. Ayılanda hadisələrin 2 ay əvvələ aid olduğunu anlayır. Tale ona 2-ci şans verib. Deməli, qatili tapmaq və məsələləri həll etmək üçün 2 ay vaxtı var.
Kitabı oxuduqca: “ Kaş mənim də həyatımı 10 il əvvələ qaytarmaq şansım olardı” - deyə düşündüm.
Kitabın 2-ci hissəsi də “Qorxudan daha güclü hiss” romanıdır. Onu da mütləq oxuyacam.
·
67 Gösterim
Yorumlar
Lütfen giriş yapınız.