Qarmaqarışıq və Darmadağın
Hadisələr məktəbli qızların müəyyən aralıqlarla naməlum şəkildə yoxa çıxması ilə başlayır.Artıq bu məsələ məktəb rəhbərliyinin,müəllimlərin,valideynlərin təşvişə düşməsinə səbəb olur. Əsas obrazımız Murad və dostları başqa məktəb yoldaşlarının da qurban olmasının qarşısını almaq üçün qəhrəmanlıq etməyə çalışıb qızları oğurlayanı tapmaq üçün plan qururlar.Əsas hadisələr də elə bundan sonra başlayır.Onlar bu cinayətkarı tapmaq yolunda nələr yaşayırlar?Bu yolda nələri və kimləri itirirlər?
Mən bu kitaba hərşeydən öncə bir pedaqoq olaraq fikir bildirmək istəyirəm. Hal-hazırda məktəbdə yeniyetmələrlə daha çox işlədiyim üçün onların davranışları, dostluq və digər mübasibətlərini kənardan izləmək şansım olur. Onu deyə bilərəm ki, vəziyyət heç də yaxşı deyil,çünki şagirdlər arasında mübahisələr,xüsusilə bulling çox geniş yayılıb və bunun qarşısını almaq üçün təkbaşına savaşmaq çox çətindir.Bu kitabı oxuyarkən bəlkə də kənardan kimsə düşünə bilər ki “Bu ki lap fantastikadır,Bakı məktəblərində belə şeylər olmaz.” Amma mən oxuyarkən işlərin hansı yerdə olduğunu çox yaxşı bildiyim üçün, bəlkə də bu kitabdakı hadisələrin yaşana biləcəyi tarixlərin çox da uzaq olmadığını anladım.Kitabda dostluq, sevgi, sədaqət, xəyanət,qarmaşıq və zəif ailə münasibətləri və s.kimi aktual mövzulara yer verilib.Kitab tərs köşələri ilə,gözlənilməyən hadisələrlə insanı təəccübləndirə bilir və bu da kitabı daha axıcı edib.
Təbii ki, yazarın ilk kitabı olduğu üçün sujet xəttində müəyyən qədər boşluqlar var idi, biraz türk sözlərindən çox istifadə olunmuşdu, kitabın nəşriyyatı və keyfiyyətlə bağlı fikir bildirməyəcəm,çünki indi gənc və istedadlı yazarlarımızın kitab çap etdirmək üçün maddi və mənəvi baxımdan necə əziyyət çəkdiyini bilirəm.
İkinci kitab da davam kitabıdır və artıq burda baş obrazımız Murad yetişkin biri olaraq qarşımıza çıxır. İkinci kitabda ilk kitaba nisbətən yazarın qələminin inkişaf etdiyini görürük. Bu da məni sevindirir,çünki gənc yazarlarımız qələmlərini inkişaf etdirdikcə daha yaxşı yerlərə gəlib uğur qazana bilərlər və müasir Azərbaycan ədəbiyyatına öz tövhələrini verə bilərlər.
··
458 Gösterim
1 Yorum
Lütfen giriş yapınız.
