BİHAR
(yazar, benim yaşadığım bölgeden de bahsediyor)
Cihet-i şimâli şarkîde (Bihar) racaları bir kaç bin senedenberi eben an ceddin ol taraflarda bulunan bir takim büyük racalikların imparatoru mesâbesinde bulunmuş oldukları halde ibtidâ' mülkleri memâlik-i İslâmiyyeye ilhâk olundukdan bir müddet sonra İngiltere Devleti fahimesinin havzai tasarrufuna duçar oldukları gibi ol taraflarda kâin zaman-i kadimde müstakıl bulunmuş olan sâir bir takım eyâletler dahr devlet-i müşârün-ileyhin yedi istilâ'sina giriftâr olmuşlardır.
Eyâlet-i mezkûre usûl-u atiki üzere ber-vech-i âti beyân olunur. imdi mezkur Bihar racalığının pây-ı tahtı Ganga nehrinin sâhilinde ebniye ve sarayları Çin-kâri nakş ile müzeyyen bulunan (Patna) şehr-i kebîridir. Şems-i münîr burc- Kavs'e varid olduğu zaman dâhil-i hükümette bulunan bir çok Hindu'lar her tarafdan şehrin ziyâretine gelüb ibâdet ve mevtâlarının ervâhina orada duâlar hayrât ve hasenât iderek nehir suyunu hoşnud iderler i'tikadinda bulunurlar. Şehr-i mezkûr civârında yerden nebeân iden bir çeşmenin suyu bir nev'i mermer taşına tahavvül ider. Işbu Bihar memâliki kadîm Bengale eyâleti ile hem-hudud olduğundan iki mülkün hududuna fâsila olmağçün (Dumka) kasabasından tâ Ganga nehrine ve oradan nehrin öte tarafında bulunan bir yüksek dağa kadar taşdan dıvar çekmişler ve bu dağın eteğinde ma'bed ve ziyâret-gâh olmak üzere (Mahadevi)'ye mensûb olan dört aded kubbe olub mezkûr kubbelerden bir çok acâibat zuhûr itdiği i'tikadında bulundukları gibi (h)avlısında bulunan kadîmden kalma bir büyük ağaç hakkında ibtidâ-yı hilkatdenberu hiç kimsenin mezkûr ağacın dikildiğini haber viremediği i'tikâdında bulunurlar. Ma'bedi mezkûrun hademeleri bu ağacın altında ekl ve şürbden münkati' olarak Mahadevi'ye münâcât iderler. Burasi Hindû'ların Dâr-ül-Âlemi ve âb-ü havási güzel bir mahall oldugundan tahsîl-i fünûn ve riyâzet-i ruhániyye içün Brehmenler ile riyâzet-keş kalenderler etrâfdan buraya tecemmu' iderler. (devam)
Sayfa 110Kitabı okuyor
·
11 views
Yorum yapabilmeniz için giriş yapmanız gerekmektedir.