Bana bu ten gerekmez cân gerekdir
Ol bâkî cennetde oyman gerekdir
Eğer Muhammed'e ümmet olursan
Dilinde zikirle Kur'ân gerekdir
Zehî mürşid ki bizi Hakk'a iletir
Âşık cânı ona kurbân gerekdir
Namaz kılmağa zikir etmeğe
İnâyet kuluna Hakk'dan gerekdir
Bular hod geçdi uçmak arzusundan
Dîdâr göstermeye sultân gerekdir
N'iderim uçmağı yahud ki hûru
Bana dergâhına seyrân gerekdir
Hakîkat şerbetin içen âşıklar
Başı açık teni uryân gerekdir
Âşık Yûnus bu sırrı anlayanın
Ciğeri büryan gözü giryân gerekdir