• 173 syf.
    ·8 günde·Beğendi·10/10
    Bugün sizinlə Hədəf nəşriyyatının Xatirə Ədəbiyyatı seriyasının 6-cı kitabı olan Müşfiqli Günlər kitabı haqqında olan fikirlərimi bölüşmək istəyirəm.
    Deməli kitab mərhum şairimiz Mikayıl Müşfiqin xanımı Dilbər Axundzadənin Mikayıl Müşfiq ilə olan xatirələrindən bəhs edir. Kitab çox gözəl saf təmiz məhəbbət və hörmət öz əksini tapır. Kitabda həmçinin o dövrün digər əvəz olunmaz şairləri, yazıçılarından da xatirələr yer alır. O zamanlar hamısı müəllimlik fəaliyyəti ilə məşğul olub. Bir anlıq təsəvvür edin ki həmin möhtəşəm şairlər ədəbiyyat müəlliminizdir necə də möhtəşəm səslənir elə deyilmi yəni Müşfiqin '' Yenə o bağ olaydı'', "Rəssam sevgilim şəkili çək'' və sairə digər şeirlərini kitablardan deyil məhz Mikayıl Müşfiqin öz səsindən eşidirsiz ahh. ️
    Düzünü desəm bu kitabda nədənsə repressiya qurbanı olan zamanlardan daha çox xatirələr gözləyirdim. Amma yenədə kitab sadəcə olaraq möhtəşəmdir Mikayıl Müşfiqin həyat yoldaşı Dilbər xanıma olan sevgisi, hörməti, qayğısı insan da çox gözəl sözlə ifadə edilməyəcək dərəcə də möhtəşəm hisslər oyadır.
    Bir sözlə oxuyun və oxutdurun ️
  • 408 syf.
    ·23 günde
    Bulqakovdan oxuduğum ilk əsərdi. Bu kitab haqqında heç bir məlumatım olmadığı üçün kitabın daha başqa cür olacağını düşünmüşdüm. Fərqli kitab oldu mənim üçün. Kitab fantastik olmaqla yanaşı alleqorikdir. Düşünün ki, bir kitabda şeytan obrazı var. Hadisələr qarmaqarışıq, insan bəzən harada olduğunu və nəyə məruz qaldığını anlaya bilmir. Kitabda bir hekayədən də bəhs edilir. Həmin hissəsini daha yaxşı başa düşmək istəyirsinizsə, sizə "The Passion of christ" ə baxıb sonra oxumağı tövsiyə edə bilərəm.
  • 200 syf.
    ·3 günde·Puan vermedi
    Virciniya Vulfun ən çox diqqət çəkən romanı "Missis Dellouy" onun yaradıcılığından oxuduğum dördüncü kitab oldu. Niyə tez-tez bu yazıçıya müraciət edirəm? Çünki dünyanı dərk etməsində unikal qabiliyyətini mətnlərə özünə məxsus təsəvvürlərlə əks etdirməsini fərq etməmək mümkün deyil. "Orlando" romanının təsir gücü hələ keçməyib. Düşünürəm ki, Qabriel Qarsia Markes sevdiyi kitablar siyahısına həmin romanı boşuna qeyd etməmişdi.
    Virciniya özü də qeyd edirdi, "Mənim plan tutmağa vaxtım yoxdur. Bəlkə də "saatlar" və kəşfim haqqında; obrazlarımın ardınca gözəl yeraltı dəliklər açmağımdan çox danışmalıydım. Nəticədə mənə elə gəlir ki, elə nəyi axtarıramsa, o yaranır: insanlıq, yumor, dərinlik. Fikrimcə hər dəlik qalanlarıyla bağlıdır və indi işığa çıxırlar" (Virciniya Vulf. Gündəlikdən. 30 avqust 1923).
    "Missis Dellouy" romanı "Bond-Strit-də" hekayəsi ilə başlayıb. Həmin hekayə 1922-ci ildə tamamlanıb və 1923-cü ildə amerikan dərgisi "Klokfeys" də dərc olunub. Ancaq bitmiş hekayə Virciniya xanımı rahat buraxmayıb və o qərara alıb ki, hekayə romana çevrilsin.
    Beləliklə, modernist romanın məşhur müəlliflərindən olan Virciniya Vulf özünün şedevrini "Missis Dellouy" əsərini yaradır. Əsərini müəllimlərindən öyrəndiyi ("Şüur axını" termini Amerika filosofu Uilyam Ceymsə aiddir) "şüur axını" metodu ilə yazır.
    İnsan beyni eyni vaxtda birdən çox düşüncəylə məşğul ola, zehnində eyni vaxtda keçmişi və indini birləşdirə bilir. Eyni anda fərqli düşüncələri, fərqli zamanlara aid hadisələri ifadə etmək ehtiyacından şüur axını metodu yaranıb. Şüur axını insan zehnindən keçənləri ifadə etməsi ilə iç monoloq fəndini xatırladır, lakin şüur axınında iç monoloqda olduğu kimi zehindən keçənlərin ifadəsi məntiqli, səliqə-səhmanlı, qrammatik qaydalara uyğun ifadə edilmir. Bu fənddə bir-birilə əlaqəsi olmayan, qrammatik qaydalara tabe olmayan cümlələrdən istifadə edilir. Bunun səbəbi şüur axınında cümlələrin assosativliyə əsasən düzülməsidir. Obrazlı şəkildə ifadə etsək, Vulf Missis Dellouyun beyninin içinə mikrofon yerləşdirib və biz onun bütün düşündüklərini eşidirik.
    Ancaq bunu da qeyd etməliyəm ki, romanı yazmaq yazıçıya heç də ruh yüksəkliyi gətirməyib. Əksinə olduqca ağır depresiyyalar təkrarlamasıyla, özünün də dediyi kimi, bəzən yazmaqda sürətlənib, bəzənsə uzun müddətli heç nə yaza bilməməsinə qədər əzab çəkib: "Bu şeytani bir mübarizə idi. Plan hər dəfə əlimdən sürüşüb qaçırdı. Mətnə layiq olmaq üçün özümü tərs-üz çevirməliydim".
    https://www.ceylanmumoglu.com/...-vulf-missis-dellouy
  • "Gəlməyən Səhərlərə..." başlığı altında "Gəl ey səhər"i paylaşmışdım, ancaq o zaman bütün səhərlərin gələcəyini bilirdim. Bu dəfə isə "Gəl, ey səhər"i bəzi Səhərlərin bir də gəlməyəcəyini bilərək paylaşıram. Çunki, mənim dənizim səhər'i qucaqlayır, öz də lap bərkdən. (Aytac )

    https://youtu.be/awvHIzOlwiY

    " Gəncliyimdə, Moskvada Maksim Gorki adına universitetdə oxuyanda işlərim o qədər də qaydasında deyildi. Ailəmdə qarışıqlıqlar var idi, qohumlarımdan rəhmətə gedənlər olmuşdu, nəşr etdiyim kitaba isə qadağa qoyulmuşdu. Gərgin bir halda, unudulmuş, atılmış bir insan kimi qatarla Moskvaya gedirdim. Həmişəki qayda ilə nələrsə cızma-qara edirdim. Qəfildən şeir yazmaq üçün əlimdə tutduğum kağızı buruşdurub, qatarın pəncərəsindən çölə tulladım və arxasınca baxdım. Mənə elə gəldi ki, “mən” və “özüm” arasında da, o kağızla dayandığım yer arasındaki məsafə qədər çox az bir məsafə qalıb. Birdən qatarda radio oxumağa başladı. Mənim “Ay Şəlalə” adlı bir şeirim var idi, ona mahnı bəstələnmişdi. Radiodaki həmin mahnı idi. Musiqinin ortasında, “Mahnının sözləri Fikrət Qocaya aiddir” deyə bildirdilər. Mahnım oxudu; qatar işıqlandı, dünya aydınlandı, bir anda belim dikləşdi. “Mən varam və həyat da gözəldir!” dedim öz-özümə. Mahnılarımı eşidəndə hələ də bunları hiss edirəm. “Gəl ey səhər” də belədir. “Gəl ey səhər” 40 il bundan əvvəl yazılıb. “Uşaqlığın son gecəsi” filmi üçün, Mirzə İbrahimbəyovun ssenarisinə əsasən çəkilən film üçün yazılıb.”

    Və əlavə edir;

    “Həyat yaşadıqca dərinləşir, yaş artıqca genişləyir, ruh isə ancaq bir şeylər yaradırsa özünü gerçəkləşdirir, gəncləşir. Mən şeir yazmağa başlamadım, yaşamağa başladım. 70 yaşım var və hələ də yaşamağa həvəsim var. Çünki hər səhər, hər gələn səhər gözləyirəm, mənə yeni bir xəbər gətirəcək. ”

    Polad Bülbüloğlu isə bu mahnını 1968-ci ildə “Uşaqlığın son gecəsi” filmi üçün özü bəstələyib və deyilənə görə, bu mahnı onun hələ 9 yaşı olarkən Xəzər dənizində boğulan qızı Səhər üçün olan rekviyemidir. Dinləyən hər kəsə bu qədər təsir edə bilməyinin səbəbi bəlkə də budur, kim bilə bilər…


    https://miminovski.wordpress.com/...99h%c9%99r/#more-304
  • 173 syf.
    ·8 günde·Beğendi·10/10
    Sabahınız xeyir əziz kitabsevərlər , sizi Dünya Azərbaycanlılarının Həmrəylik günü və Yeni İlin gəlməsi münasibətilə təbrik edirəm Mənim üçün ilin son kitabı xatirə ədəbiyyatı silsiləsindən " Müşfiqli Günlər " kitabı oldu. Kitab Mikayıl Müşfiqin xanımı Dilbər Axunzadə tərəfindən qələmə alınıb, Müşfiqlə olan xatirələri qeyd edib. Kitab tək kəlimə ilə möhtəşəmdi Dilbər xanıma olan sevgisi məni xəyallar aləminə apardı. Şairin sevilən şeirlərinin necə yazıldığını, həmin anda nə hiss edərək, nə yaşaraq yazdığını bilmək çox xoş oldu. Müşfiqli günlərdə, ədəbiyyatımızın zəngin olduğu o dövrlərdə yaşamaq istərdim. Gözəl sənətkarlarımızı yaxından tanımaq, şeirlərini öz dillərindən, öz səsləriylə eşitmək istərdim. 2019-cu ildə İnşAllah xatirə ədəbiyyatı silsiləsindən olan bütün kitabları almağa çalışacam. Qızım üçün gələcəkdə bundan böyük xəzinə ola bilməz deyə düşünürəm.
    .
    Sеvirəm
    Bənövşə tək
    Boynun bükərək
    O məhzun duruşlarını.
    Sеvirəm
    Mənimlə göz-gözə gələndə,
    Şimşək baхışların vuruşlarını.
    Sеvirəm
    Kirpik çala-çala
    Məni süzərək
    Bir mahir ovçudan qorхmuş, ürkərək
    O cеyran ədalı baхışlarını.
    .
    Xatirə ədəbiyyatı silsiləsindən olan kitabları mütləq oxuyaq və oxutduraq Hər kəsə xoş mütaliələr
  • İndi isə həmin köhnə, buz kimi donmuş xatirələr sanki əriyir, canlanırdı.