Güneş-veş dilber-i dildâr gönül eylenmez eylenmez
Gören gözler olur bîdâr gönül eylenmez eylenmez
Cemâli cennet-i cândır kelâmı dürr ü mercândır
Bu cângâhe heyecândır gönül eylenmez eylenmez
Gören gözler olur hayrân âleme âfet-i devrân
Nice cânlar olur seyrân gönül eylenmez eylenmez
LUTFÎ’ye dilber-i tannâz gece gündüz eder bin nâz
Gören gözler gelür mi vaz gönül eylenmez eylenmez