ez di pêşiya zarokekî de
dibim gokek ji bo lîstikê
ez li ser ava helbestê
teyrek im, spî spî
di nav muzîka hêşîn de
an giya me an jî masî
dema têm pêşiya te jî
dilê zarok di singa min de ye
baskê teyr di dîtina min de ye
û êdî ez demek im dizanim
dilop dilop
di nav te de heliya me
û bûm ruhê evînê
Sayfa 25
Hemû barînên baranê ne xweşik in
Lê navên hemûyan jî tim baran e
Hemû darên daristanan ne xweşik in
Lê navên hemûyan jî tim dar e
Mîrovên Xwedê
Teyrên Xwedê
Heywanên Xwedê
Hemû weke hev ne xweşik in
Û helbestên min jî
Her wiha
Sayfa 29
Nîvê şevê bû
ez bi tenê
ketibûm pey xeyaleke bi şox û şeng
mîna peyvên bahozî
aloz û şerpeze
Sayfa 40
baskê bazekî şikandin
asîman firînek wenda kir
çavê xezalekê kor kirin
awirek ji kîsê deştê çû
guleyek ket qirika kewekê
çiya stranek wenda kir
kulîlkek binpê kirin
bilbil bêhnek wenda kir
lê dema ku jinek kuştin
evînek ji kîsê hemû dinyaye çû
Sayfa 83
...
min jê re got
ez ferqa we nakim
baweriya te hebe
tu jî diya min î
Sayfa 88
Dinya
...
ji min re dibêje
vala ye
vala ye
vala ye
Sayfa 94