Allahsızlar Şəhəri
UraqanKitabın elektron variantını pulsuz yüklə:
mir.az/kitab/12205-all...
Bir çox insan bu kitabın adından qorxub oxumaqdan çəkinsə də, kitabın din ilə heç bir əlaqəsi yoxdur. Bu kitab bizim daxili hislərimizin, yəni qorxu, ağıl, güc, cəsarət, xəyanə, nifrət və s. Kimi keyfiyyətlərimizin şəxsiyyətləşməsindən bəhs edir. Bu keyfiyyətlərin hər biri özünə məxsus şəkildə danışıb hərəkət edir. Bir də var şeytan. Hansı ki, bu keyfiyyətlərimizin hər birini o yoldan çıxardır. Şeytan onları yoldan çıxartdıqca, onlar da başlayır öz həqiqətlərini tapmağa.
Alleqorik üslubda yazılan bu əsər gənclər və yeniyetmələr üçün ibrətamiz bir əsər hesab olunur.
Kitabın müəllifi ilə əlaqə üçün
Uraqan -a yazın...
Kitabın Konusu:
100 sayfa
Yorumlar ve İncelemeler
İstədiyim zamanda istədiyim kitab oldu. 
Allahsızlar Şəhəri
Kiçik həcmli olsa da olduqca maraqlı, axıcı və mənalı bir kitab idi. Həcmi az da olsa, içindən çıxardığım cümlələr olduqca çox oldu. Hər səhifəsini, hər sətrini qələmlə təhlil etmiş kimi oxudum çünki çox bağladı özünə. Sonunun bitməyini də istəmədim. Gecə 1ə qalmış başlayıb 2ə qalmış bitirdim, bitəndən sonra o boşluq hiss yarandı. Sevdiyimiz kitablar bitəndə içimizdəki o üzüntü oldu.
Günümüzün reallıqları əks olunan qısa metrajlı film kimi hiss etdim. Aktyorların olması, üstəlik şəkildə eynilə adları ilə də tanıdığım aktyorlardan görmək daha da maraqlı etdi.Həqiqətən də məsləhət görüləcək kitab idi. Baş rolda “Ağıl” olan bu kitabda insanların da formalaşmasında “Ağıl” baş rolda deyilmi? Bir nüans da vardı ki, yaxşını pis yola çəkmək bu qədər asan olduğu halda pisi yaxşı yola çəkmək niyə bu qədər çətin olur axı? Çox danışıb spoilər vermək istəmirəm, çünki mövzu olduqca genişdir. Oxuduqca suallar və fikirlər çıxacaq. Bu da kitabı daha həyəcanlı edəcək. Hər kəsə xoş oxumalar. Növbəti təhlildə görüşmək ümidi ilə 
Hərbidən Qeydlər
Uraqan Yazıçılıq həyatınızda uğurlar.
Kitabı ilk gördüyümdə oxumaq istəməmişdim düzü, adı ilə bağlı tərəddüdlərim var idi. Daha sonra Hərbidən Qeydlər kitabını oxumağa başladım. Və kitabı bitirdikdən sonra artıq "Allahsızlar şəhəri" kitabında nələrdən bəhs olunacağını təxmin edib oxumağa qərar vermişdim.
"Hərbidən qeydlər" kitabında yazıçının qələmi ilə artıq tanış olmuşdum. Ona görə də bu kitabda belə bir problem olmadı. Baxmayaraq ki, kitab çox sadə dildə yazılıb, çox kiçik cümlələrdə çox böyük mənalar tapa bilirik əslində. Mən bunun hər iki kitabda şahidi oldum. Az qala bütün cümlələri alıntı seçirəm.
Bu kitab hər bir insanın daxilində olan keyfiyyətləri canlandırır. Hər bir keyfiyyətin səbəb olduğu günümüzün bu hala gəlməsinin səbəblərini çox kiçik cümlələrlə çatdırır.
Əslində hər kəs həyatından bir parça tapacaq bu kitabda. Sanki insanın daxili hisslərinə kiçik bir səyahət edirik.
Kitabların insanların həyatına təsiri əks olunan səhnə daha çox diqqətimi çəkdi. Sonda hər kəsin həqiqəti günahlandırması məntiqli gəlmədi mənə.
Rolları artırmaq olardı və belə mövzuya görə həcm çox kiçikdir, hadisələr tez bitib keçir. Daha geniş süjet xətti seçilə bilərdi.
Müsabiqə və kitab üçün təşəkkürlər Uraqan
Yazar Hakkında
UraqanYazar · 4 kitap
Emin Abdullayev, daha çox Uraqan təxəllüsü ilə tanınan azərbaycanlı yazıçı, ssenarist və futbol hakimidir. 1997-ci ildə Bakıda idmançı ailəsində anadan olmuşdur. Onun yaradıcılığı, gənc yaşlarından ədəbiyyata olan marağı ilə yanaşı, idman sahəsindəki fəaliyyəti ilə də diqqət çəkir. Uraqan, həyatının müxtəlif sahələrində özünü sınayaraq, özünəməxsus bir yaradıcılıq yolu formalaşdırmışdır.
Uraqanın ədəbi yaradıcılığı, daha çox dram, romantik və distopiya janrlarında cəmləşir. O, öz əsərlərində müasir dövrün problemlərini, insan psixologiyasını və cəmiyyətin qaranlıq tərəflərini əks etdirməyə çalışır. Uraqan, həmçinin futbol hakimi kimi də fəaliyyət göstərir, bu da onun həyatının maraqlı və dinamik bir hissəsidir. Futbolun sərt və təmkinli dünyası, onun yaradıcılığına da təsir göstərmiş ola bilər.
