Altın Cep Saati
VarisQuotes
Hər insanın bir evinin qonaqları olur, bir qəlbinin, bir də ömrünün. Evinin qonaqları tanış-biliş, qonum-qonşu, qohum-əqrəbadır. Hətta bəzən tanımadıqları, təsadüf nəticəsində qarşılaşdığı adamlardır. Gəlirlər, gedirlər, zaman keçdikcə gəlişləri səngiyir, bəzilərininki tamam kəsilir. Sonra bu ev qonaqları yeniləri ilə əvəzlənir. Gəldi-gedər qonaqlardır bunlar.
Qəlb qonaqları sevdiklərindir. Dostların, rəfiqələrin, sevgilin... Bunlar daha istənilən qonaqlardır, öz mövcudluqları ilə sənin qəlbini titrədir, riqqətə gətirirlər. Amma onlar da əbədi qonaq deyillər. Onların da gəlişlərinin "gediş" adlı sonucu mütləq olur. Hər bir sevgiyə mütləq bir ayrılıq libası biçilir axı.
Ömür qonaqları isə sənin qanıbir, canıbir doğmalarındır. Valideynlərin, qardaş-bacıların, övladların, bir də ömrün boyu bir dam altda yaşadığın, bir yastığa baş qoyduğun, doğmalaşdığın həyat yoldaşın... Bax onlar sənin əbədi qonaqlarındır. Ömrün durduqca onlar da ömründə qalasıdırlar.
Başına nə gəlirsə-gəlsin, hətta səni səndən alan, göyün hansısa bir qatına qaldırıb da yerə çırpan vaqeələr belə baş versin, yenə məyuslaşıb ruhdan düşmə, təslim olma. İstədiyini əldə edənə qədər şükür etmək lazımdır. Uğur - diləyi gerçəkləşməsində də şükür etməyi bacaranındır.
İnsan ömrü adi günlərin xoşbəxt və bədbəxt günlərə nisbətindən ibarətdir.
İnsanlıqdan çıxan tiranların günahı məzlumların ayağına niyə yazılsın? Təqsirlinin qisasını təqsirsizdənmi alarlar?
_Qızıl cib saatı_
Haqqı Haqqın Özündən başqa heç kəs dərk edə bilməz. Çünki yaradılmış hər şeydə bir əskiklik var, bir nöqsan var.
Kaş ki aldanmazdım, dağ bildiyim həqiqətin qaya o yana, heç çınqıl belə olmadığının sirrinə varmazdım.
Günlər də fərqlidir. Birində sanki daş asılır saatın əqrəblərindən. Birində isə, elə bil, əliylə onları kimsə irəli itələyir...