Həqiqətən, tanrılar üçün başqa alternativ yoxdur: ya onlar hakimiyyətə doğru iradədirlər və onda onlar qəbilənin, xalqın ilahisi olurlar, ya da onlar hakimiyyətə doğru gücsüzlükdürlər - və onda onlar zərurət yarandıqca mərhəmətli olurlar...
"Əxlaqi dünya nizamı" nə deməkdir? Bu, insanın nə edə bildiyi və nəyi edə bilmədiyi ilə bağlı bir dəfə və həmişəlik Tanrı iradəsinin mövcud olması deməkdir; o deməkdir ki, xalqın və ayrıca götürülən şəxsin dəyəri, onun tanrı iradəsinə nə qədər çox və ya az itaət göstərməsi ilə ölçülür; o deməkdir ki, xalqın ayrıca və bir şəxsin taleyində Tanrının iradəsi hökmrandır, yəni O, itaət etmək dərəcəsinə müvafiq olaraq cəzalandıran və mükafatlandırandır.