Bu təkcə onun yox, əksər Azərbaycan qızlarının bədbəxtliyi idi hələ də. Ailə qurmaq xatirinə sevmədən ərə gedirdilər, ailəni dağıtmamaq xatirinə, sevmədikləri bir adamla ölənədək dözüb yaşayırdılar.
Anlaya bilmirdi ki, bəzi insanlar niyə cinsi əlaqəni heyvanlar kimi anlayırlar? Axı bu zövqü insanlara bəxş edən Tanrı onu məhəbbətlə bir yerdə verib! Qarşılıqlı məhəbbət olmadan necə ola bilər axı bu iş?!...
-Əgər namusuma, qeyrətimə toxunan bir işlə qarşılaşıramsa, deməli məndən asılı olmayaraq qarşımda 2 yol durur. Birinci yol qabağa gedib vuruşmaqdır. Bu zaman həyatını riskə atırsan. Qalib də ola bilərsən şəhid də.
- Bəs ikinci yol? - Selcan soruşdu.
-İkinci yolu ALLAH heç kəsə göstərməsin. O yolu seçən nə ölmür nə də yaşamır. Şəxsən mənim nəzərimdə ölümdən çox pisdir bu.Şəxsiyyətini, mənliyini, qeyrətini tapdaladandan sonra ayaq üstə necə gəzmək olar, bilmirəm...