Aşk Şiirleri
Aleksandr PuşkinÖne Çıkan Aşk Şiirleri Gönderileri
Öne Çıkan Aşk Şiirleri kitaplarını, öne çıkan Aşk Şiirleri sözleri ve alıntılarını, öne çıkan Aşk Şiirleri yazarlarını, öne çıkan Aşk Şiirleri yorumları ve incelemelerini 1000Kitap'ta bulabilirsiniz.
Sən və Siz
O yanılıb "siz" sözünü əvəz etdi
"sən" ilə,
Sanki, gətirdi könlümün hər telini
o, dilə,
Vurğun qəlbdə bu mənadan oyandı xoş arzular,
Hiss elədim bu söhbətdən mən özümü bəxtiyar.
Qarşısında dalğın-dalğın xeyli durub dayandım,
Gözlərimi çəksəm ondan, ömrüm bitəcək sandım.
Dilə gəlib söylədim: "siz lütfkarsınız, ey sənəm!"
Ürəyimdə dedim: "səni bilsən necə sevirəm!"
İtirib ağlımı, dilimi birdən
Sizə tək gözümlə baxmaqdayam mən;
Nə çarə, başımda iki gözüm var...
Əgər istəsəydi o Pərvərdigar,
Yüz göz lütf etsəydi taleyim mənə,
Yüzü də tək sizə baxardı yenə!
Məhəbbət bircə şeydir - soyuq ömrün nəşəsi,
Məhəbbət bircə şeydir - qəlbin dərdi möhbəti.
Onun verdiyi nəşə bircə andır,
bircə an,
Kədərinin, qəminin heç yoxdur nəhayəti.
Elegiya
Yox! Məndən heç zaman ayrılmayacaq
Şirin məhəbbətin acı göz yaşı!
Ayrılıq
Ancaq səni düşünərək yatıram, ah biləsən.
Xəyal olan yuxumda da gözüm görür tək səni;
Fikrə getsəm, ixtiyarsız çağırıram səni mən,
Qulaq versəm, eşidirəm ancaq sənin səsini.
Pərişənhal əyləşirəm dostlarla bir cərgədə,
Anlaşılmaz qalır mənə söhbətləri,
sözləri,
Hərəkətsiz nəzərlərim onları seyr etsə də.
Gözüm artıq seçə bilmir mənə tanış üzləri.
Mən sizi sevirdim: bəlkə, məhəbbət
Tamam sönməmişdir könlümdə hələ
Qoy eşqim verməsin sizə əziyyət,
Kədərli olmayın bircə an belə.
Ümidsiz sevirdim sizi sakitcə,
Didirdi ruhumu qısqanclıq, təlaş.
Mən sizi sevirdim səmimi, incə,
Beləcə sevəydi başqası da kaş.