Doğrudanmı onların duaları, onların göz yaşlanı səmərəsizdir? Doğrudanmı məhəbbət, müqəddəs, səmimi məhəbbət qadir deyildir? Yox, yox! Qəbirdə yatan qəlb nə qədər coşqun, günahkar, üsyankar olursa-olsun, üstündə bitən çiçəklər məsum gözləri ilə bizə sanki sakit-sakit baxır. Onlar bizə yalnız əbədi sükunətdən, laqeyd təbiətin o böyük sükunətindən danışmır, həm də əbədi ülfət və sonsuz həyatdan danışır.