Beşmərtəbəli Evin Altıncı Mərtəbəsi
Anar RzayevSözler ve Alıntılar
- Zaurik , gör bir nə qədər sadədir və gözəldir : " Küçələrə su səpmişəm , yar gələndə toz olmasın " gör necə sevərlərmiş bir vaxtlar , Zaurik , indi gör necə sevirlər . Məsələn , sən mən keçən küçələrə heç su səpərsənmi , toz olmasın deyə ?
Zaur : Bakıda mümkün deyil bu , - deyirdi , - küçənin bir başına su səpənəcən xəzri o biri başını yenə toza qərq eləyəcək .
– Eh , ruhun yoxdur sənin .
Klassik ad günü )
Uşaqlıq illərindən bəri həmişə bu gün - Zaurun ad günü onu darıxdırardı , axı , bu gün onunçün tamamilə yad və yabançı olan qohumlar toplaşar , bayağı söhbətlər edər , duzsuz sağlıqlar deyərdilər , sentyabr ayı olduğu üçün hələ isti olardı . Hamının pal - paltarı islanıb bədəninə yapışardı , otaqlarından tər iyi gələrdi və Zaur səbirsizliklə məclisin qurtarmasını , qonaqların dağılışmasını gözlərdi .
Aşiq olan insan eqoistləşir , ona elə gəlir ki , keçirdiyi xoşbəxtlik , səadət dəmləri başqalarına da yoluxa bilər . Halbuki başqasının sevinci insanı çox nadir hallarda eyni dərəcədə sevindirə bilər , əksərən , hər bir insan başqasının sevincinə biganə qalır , bəzən hətta , qıs qanır , ya həsəd çəkir bu özgə sevincinə .
Bəlkə axtardıqlarını məndə tapa bilmədin.
Amma məndə tapdıqlarını ömrün boyunca
başqalarında axtaracaqsan...
Bir dəfə Zaur içmişdi, dedi ki,sən kipriklərini qaldıranda elə bil bəşəriyyət tarixində yeni bir səhifə açılır...