Cegerxwin Gönderileri
Cegerxwin kitaplarını, Cegerxwin sözleri ve alıntılarını, Cegerxwin yazarlarını, Cegerxwin yorumları ve incelemelerini 1000Kitap'ta bulabilirsiniz.Bê Te Hêç İm Welat
Welat, çi qas bilind bibî
Ew qas e jî bilind dibim
Her çend pak û rind dibî
Ew çend pak û rind dibim
Serbest bijîn bajar û gund
Kurd tê de rûnin serbilind
Wek feylesûfê çîn û Hind
Bêrîya Welat
Ka Ferîdûn , ka Direfş, taca Keyan li ku ye ,
Ka Guhderz û ka Ristem, ka ew meydan li ku ye?
Ka padîşahê Elwend, ka siltanê li Deynûr ,
Ka Eyûbî, ka Dêsem, kanî Merwan li ku ye?
Ka mîrekên li Baban, ka paşayê Rewandiz,
Ka Cizîr û kanî Mîr, ka Bedirxan li ku ye?
Kanî mîrê Behdînan, kanî mîrê Hekaran,
Ka mîrekên li Zazan, mîrê Xerzan li ku
Bere Bihar Bixêr Bê
Bihar e ba bi xêr bê li ser çavên me Nûroz
Ba Kurd ji hev re bêjin: Bira cejna te pîroz
Kincên ciwan wergirin li Kurdistan keç û kur
Zerî biçin semayê çi amoz û çi xaloz
Mizgîn ji bo me bêtin doza me va giha me
Em aşîtî dixwazin kengî bighê me ew doz
Perî û xort û reşkal li her derî bibêjin
Bijî serdarê zana ev rêberê me Behroz
Canfidayên ciwanmêr em deynin ser milên xwe
îdî em şer naxwazin gulebaran û bahoz
Em dixwazin bihar bê bi ken li her der û cî
Hembêz bikin keç û xort hemi pismam û amoz
Bi serbestî bilîzin maçan bi hev bigorin
Bere ji min bixeydin ev neqşebend û kerboz
Xwedê li jor dizanî em ji bona çi dane
çima girtî û dîl bin weke berxa di nav koz
Begim Xûya ye Hûn Natirsin
Hey welat bo ç` perçe perçe maye bin destê neyar
`Hakimê xakê te bin ê wek Seîd û wek Beyar
Kurdê bextreş serşikestî wer bimênî çarkenar
Kuştin û zindan û lêdan, bêne wan tim boks û dar
Hey welat heqê me ye, hê em ji xew nabin şiyar
Ev riya ku serbilindî tê de ye tev rêl û kaş
Canfida xweş pê de çûne, qelsemêr mayîn li paş
Hestiyê millet dikojin
Bargiran İm
Bargiran im ez, rê dûr û serkaş
Xûz im, piştkul im, dimênim li paş
Kerwan xwe gihand qûnaxê sivik
Kerajo nezan û rêçika me şaş
Bargiran im ez, piştkul û birçî
Li paş kerwan jî herim dîsa baş
Azadîxwaz im
Tîp û lekên kurd ketin zinaran
Li hawîr bumba bû gullebaran
Êrîşdibin der komên neyaran
De rabe ser xwe, kurê min rabe!
şev ta sipîdê me nîne qet xew
Cihan li ber me dibîte rew - rew
Nêrkew nexwenî, çi bêyî mêkew?
Ava Heyatê
Meygera ava heyatê, mest û dîwanê te me,
Sorgula baxê xelatê murxê bistanê te me.
Sosin î, yan çîçek î, yan reyhan î, yan yasemn,
Bilbilê mest û hezîn im, der gulistanê te me.
Horiya reşkakil î, ebr û kevan û rojerû,
Xoş perîşan î welê ez tim perîşanê te me.
Ger tu Zîn û şahê xoban, text û bextê eşq û dıl,
Ger şêrîna şahê kurd î, milkê îranê te me.
Ristemê îranê eşq î, Xusrowê zêrinkulah,
Keyqubadê milkê Furs î, kurdê bê canê te me.
Der dil û canê Cegerxwîn şah Selahedinê kurd,
Ger tu Betlîsa welat î, ez şerefxanê te me.
Ne ji vî pirtûkê
Ah Şêrînê
şêrînê, şêrînê
_Gulçîçek û nesrînê
_________Rû sorgula evînê
________________Ez dil didim mizgînê
şêrînê, şêrînê
____Ez dîn kirim
_____________Bê dînê
Ne ji vî pirtûkê
Agirî
Agirî tev agir e, dûrî herin dijwar e ew;
Ne agirê îsal e, lê agirê sedsal e kevnar e.
Gava çavên te lê dikevin bi şewq û şemal,
Tu dibê qey qurix e, lê ne qurix e tev ar e.
Bi xwendina wê xew dibî dijminê çavên reş;
şev tev diçî, lê tu dibê hê êvar e.
Ne dê û ne bav, di bîra te nayên kes;
Wek jana zirav e, lê mêrkuj e, wek mar e.
Ne xwezî bi wî ko carek lê binêrî bes;
şadî, dijmin û tim bi qîr û hawar e.
Rêça wergirtina taca keyan didî ber te, lê
Ew rê bi çiyakî bilind ve diçî berwar e.
Ew agir, agirê dilê Cegerxwîn ê pir geş;
Rojek heye bavêjî riwê dijmin, naçar e.
Agirê Evîndarî
şev tev çûye îdî ma tu hew tê lo
Ez ranazim, kengî bê te xew tê lo
Xanî bûye zindan tê de ranazim
Ta sipîdê qîr û nal û tew tê lo
Te j’min dil bir carek mi j’ter nego na,
Te rû kul kir carek mi j‘ter nego na
Ma ji bo çi, îro tu j’min xeyîdye?
Te ji min çidkir, carek mi j’ter nego na
Ay dil, ay dil, ma kes nîn e mîna wî?
Bo çi her dem wer dilxwazê dîna wî?
Ahî dema destê wî l’bin serê min!
Bi min xweş tê gelek hilm û bîna wî
Tenê hiştim ay dil îşev çima çû?
Wî ez kuştim, ay dil îşev çima çû?
Rabe peykev ay dil zû wî werîne
Tev biriştim ay dil îşev çima çû?