Deməli bu kitab iki hissədən ibarətdir:
1. Dao De Çinq
2. İç bölümlər
Birinci hissənin yazarı Lao Tzı həmçinin daosizmin yaradıcısı sayılır. O, ömrünün sonlarına yaxın Çini tərk etmək qərarına gəlir və sərhəddə sərkərdə onun çox müdrik bir insan olduğunu anlayıb bir xahiş edir. Xahiş ondan ibarətdir ki, Lao Tzı ölkəni tərk etməzdən öncə öz müdrikliyindən miras qoymalıdır. Bir gecəyə 5000 heroqlifdən ibarət kitab yazaraq ölkəni tərk edir. Bu kitab daosizmin ilk kitabı olur.
İkinci hissə isə Çjuan Tzıya aiddir. O, Lao Tzının davamçısı olaraq daosizm fəlsəfəsini daha da inkişaf etdirir. Qələmə aldığı kitabdan ən əsas hissə "İç bölümlər" başlığı ilə bu kitaba daxil edilib.
"Otuz mili bir təkərdə birləşdiririk.
Mərkəzindəki deşik onu yararlı edir.
Gildən qab düzəldirik.
Daxilindəki boşluq onu yararlı edir.
Qapı, pəncərə düzəldirik ki, ev olsun.
Lakin evin də yararlılığı daxilindəki fəzaya görədir.
Həqiqətən, biz mövcudluqla əlləşirik,
Yararlılıq isə yoxluqdan gəlir."
