Serdar Roşan nehîyeya Licê Hezan de serra 1958 de dadîya xo ra bi. Dewa xo de dest bi wendegeyê verênî kerd, wendegeyê mîyanênî û lîse Dîyarbekir de temam kerdî. 1979 de Enstîtuyê Perwerdeyî yê Dîyarbekirî qedêna. 1982 de şi Swêd. 1987 de Stokholm de, Wendegeyê Berz yê Dersdarîye wend. 1994 ra nat bi hawayêko aktîf edebîyatê kurdkî reyde eleqedar beno û nuseno. Hetanî nika 9 eserê ey ginayê çape ro û vila bîyê. Zafê kovaranê kurdkî de nuşteyê eyê kulturî, edebî û sîyasî weşanîyay. Reya verêne hîkayeyê eyê kirdkî kovara Çira de weşanîyay. Dima çend hîkaye û arêdayeyê ey kovara Vateyî de weşanîyay. Serdar Roşan bi eslê xo kird o la zafane xebatê eyê nuştekî bi kurdkîya kurmanckî yê.