Gazel 73
Hadden efzûn mihrüm ol nâmihribân bilmezlenür
Hep bilür çok sevdüğüm ammâ hemân bilmezlenür
Âşinâlık virmeyüp bigâne resmin kullanur
Nâz ider her gördüğince bir zaman bilmezlenür
İltifat-ı hâl-i dervîşe 'ulüvv-i şân komaz
Hep bilür ahvâli şâh-ı kâmrân bilmezlenür
Gamzesi zahm urduğınca la'li dermân itmede
Gerçi kim dil derdin ol âşûb-i cân bilmezlenür
Nâz u istiğnâ ile Bâkiye tokınmaz geçer
Rast gelse yolda ol serv-i revân bilmezlenür