Kitab Azərbaycan Cümhuriyyətinin mühüm nümayəndələrindən Məhəmməd Əmin Rəsulzadə, Əlimərdan bəy Topçubaşov, sənət dünyasının tanınmışlarından, həmçinin siyasətdə sözünü demiş Əli bəy Hüseynzadə, Əhməd bəy Ağaoğlu, Almas İldırım, Üzeyir Hacıbəyli kimi şəxslərin həyatından mühüm faktları, fraqment və fotoları oxucuya təqdim edir. Yazıçı bizi çar zindanlarda baş verən vəhşiliklərin şahidi edir, sanki bilmirsənsə xəbərdar ol, bilirsənsə xalqımızın nələr yaşadığını əsla unutma deyir. Sözü gedən kitab vasitəsilə şərqşünas alimimiz Mirzə Kazımbəyin, Bakının xilasında xüsusi əməyi olan Nuru Paşanın həyatı ilə tanış olub, "Molla Nəsrəddin" jurnalının ərsəyə gəldiyi o çətin dönəmlərə səyahətə çıxırıq. Kitabın irəliləyən səhifələrində vətən, maarif, azadlıq yolunun fədailəri olan qadınlarımızın ağrılarına şərik olur, mübarizələrini həyəcanla oxuyuruq.
