Görünməyən İzlər
Elxan ElatlıYorumlar ve İncelemeler
Kitab maraqlıdı?
Roman maraqlı və axıcıdı. Qasımlının peşmanlıq və təəssüf hisslərini əsərin çox yerində görə bilərik. Ancaq müəllifin Qasımlını bu qədər əlçatmaz və qüsursuz təsvir etməsi fantastikadı. Bir obrazı bu qədər göylərə qaldırmaq həqiqətdən uzaqdı."Xəyanət" romanında Nuranə ilə Qasımlı arasındakı münasibətə bu kitabda toxunulub,amma qaranlıq qalan məqamlar var. 
Görünməyən İzlər
Bu, Elxan Elatlının oxuduğum 4-cü kitabıdır. Və digər 3 kitab kimi, bunun da mükəmməl olduğunu əminliklə söyləyə bilərəm. Roman o qədər axıcıdır ki, nə vaxt başlayıb nə vaxt qurtardığını hiss etmədim belə. Məncə, kitab sona qədər maraqlı davam edir. Çox bəyəndim,və tövsiyə edirəm.
Mövzusuna gəlsək, kitab Qasımlının telefon dostu olan Humayın ölüm xəbəri ilə oyanması ilə başlayır. Bu qızın gözündəki kədəri görmüş olan Qasımlı ona vaxtında kömək əlini uzatmadığına görə vicdan əzabı çəkir. Buna baxmayaraq, polkovnik qatili tapmaqda qərarlıdır. Qırmızı plaşlı qadın kimdir? Mədətov həmin gün niyə oraya gəlmişdi? Qasımlının gördüyü izləri görəndə niyə dinmədi? Və ən əsası, niyə Qasımlını izlədirdi? Hekayənin gedişatında bu suallar bir-bir öz cavabını tapır. Həmçinin kitabda obrazların həyat hekayələrinə də toxunulur, bu sayədə biz hər bir obrazla yaxından tanış oluruq.
Bir sözlə,oxusanız peşman olmayacaqsınız. Görünməyən İzlər
Elxan Elatlı
