Köhnə Qorxular
Ramiz RövşənFeatured Köhnə Qorxular Posts
You can find Featured Köhnə Qorxular books, featured Köhnə Qorxular quotes and quotes, featured Köhnə Qorxular authors, featured Köhnə Qorxular reviews and reviews on 1000Kitap.
Sən birdən getmədin, yox,
hər gün bir az getdin, bir az.
Bəlkə, qorxdun-
birdən getsən, bu ürəyim tablamaz.
Mən sərxoşluq anında
İndi yer kürəsini
divarlardan yapışıb
saxlamaq istəyirəm.
Gücüm çatmır, neyləyim,
divarlara söykənib
ağlamaq istəyirəm...
Sayfa 14Kitabı okudu
Yox, dəymə heç nəyə, qoy belə getsin,
Əl vurma bu ömrün axarına sən.
Gün-günə calansın, il-ilə yetsin,
Gedib çıx bu ömrün axırına sən.
Bir gecə hər şeyi unutmaq olar,
Beləcə hər şeyi unutmaq olar.
Təpədən dırnağa hirs içindəyəm,
Dönmüşəm dustağa hirs içindəyəm.
Bu hasar içində, bu hirs içində
ürəyim özünə yer tapa bilməz.
Bir çiçək qoxusu, bir quş səsi də
daha ürəyimə yol tapa bilməz.
Səpdim öz yarama mən öz külümü,
adam öz külünə bulanır belə.
Dişim parça-parça kəsir dilimi:
şerim hecalara bölünür belə.
Mən belə adamam, məndən uzaq gəz,
uzaq gǝz xeyrimdən, şərimdən mənim.
Daha bu qələmim çiçək bitirməz,
qızlar çələng hörməz şerimdən mənim.
Qaçdım məni sevən gözlərdən daha,
hamının sevgisi gözündə qalsın.
Ev tikən deyiləm sözlərdən daha,
qoy hamı o çölün düzündə qalsın.
Sayfa 138Kitabı okudu
Bu göylər altında nəyim var mənim?
Bir cüt ayağım var, bir cüt əlim var,
bir ürəyim vardı bir də haçansa...
...Bir də ürəyimdə bir kədər vardı,
qısılıb qəlbimin uzaq küncünə...