"– Bir bomba neçəyədir? – uşaqlar qışqırdılar.
– Bomba atmaq adambaşına bir ürəyə başa gələcək, – Şən-Xoşvaxt bildirdi.
– Ürək?
– İçinizdə normal bir uşaq ürəyi varsa, bomba atmaq mümkün deyil. Bomba atan kimi ya daş ürək olur, ya da polad.
– Və bu bizi necə dəyişəcək?
– Siz nə böyüyəcəksiniz, nə də kiçiləcəksiniz, lakin daş ürək əldə etsəniz, həyatınız çox asanlaşacaq, hətta dostlarınıza ehtiyacınız olmayacaq.
– Bəs polad ürək?
– O zaman nə ürəyiniz sıxılar, nə də xoşbəxt olarsınız və beləliklə, artıq hisslərə ehtiyacınız olmayacaq. Polad ürəkli adamlar heç vaxt ağlamaz."