Düzdür, çox sevirdi Elisi. Çox güvənəcəyi insan idi. Amma elə mövzular var idi ki, insan onları müəyyən vaxta qədər özü ilə hərəkət etdirməlidir. Buna, yəqin ki, sirr deyirlər. Sirr isə əslində başqası və ya özümüz haqqında arzuedilməz, utanılacaq, danışılması istənilməyəcək cümlələrdir. Biz o cümlələri danışarkən, nitq söyləyərkən gizli saxlayırıq. Sirr bir topdur. Kiçik bir top. Bu top başqasının da ola bilər, biz o topu itirməməyə çalışırıq. Amma bu top elə bir topdur ki, quruluşuna görə deyil, məhz “çəkisinə” görə digər toplardan fərqlənir. Elə insanlar var ki, bu topu itirməmək üçün çox şeydən keçər, elə insanlar da var ki, bu topu əldə etmək üçün çox şeydən keçər.